କଟକ: ଛତ୍ରପୁର କାଉନସିଲର୍ ଲକ୍ଷ୍ମୀଦତ୍ତ ପ୍ରଧାନଙ୍କ ହତ୍ୟାକାଣ୍ଡ ଘଟଣାରେ ବିଜେପି ନେତା ଭୃଗୁ ବକ୍ସିପାତ୍ର ଓ ଗୋଲକ ମହାପାତ୍ରଙ୍କୁ ହାଇକୋର୍ଟରୁ ଆଶ୍ବସ୍ତି ମିଳିଛି । ଏହାସହ ଆଜି କୋର୍ଟ ୨ ନେତାଙ୍କ ଅନ୍ତରୀଣ ସୁରକ୍ଷା ଅବଧିକୁ ବଢାଇ ଦେଇଛନ୍ତି । ଏହି ମାମଲାର ଶୁଣାଣିକୁ ଖରାଛୁଟି ପରେ କରାଯିବ ବୋଲି ମଧ୍ୟ ହାଇକୋର୍ଟ ନିଷ୍ପତ୍ତି ନେଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା କଟକ
ତେବେ, ହାଇକୋର୍ଟ ମାର୍ଚ୍ଚ ୧୨ ତାରିଖ ଏବଂ ୧୯ ତାରିଖରେ ଏହି ୨ ବିଜେପି ନେତାଙ୍କୁ ଅନ୍ତରୀଣ ସୁରକ୍ଷା ପ୍ରଦାନ କରିଥିଲେ। ତେବେ ପୋଲିସ ମାମଲାର କେସ୍ ଡାଏରୀ ପ୍ରଦାନରେ ବିଳମ୍ବ କରିଥିଲା । ସୂଚନାଯୋଗ୍ୟ ଛତ୍ରପୁରର ଏନଏସି ୱାର୍ଡ ନଂ-୬ କାଉନସିଲର ଲକ୍ଷ୍ମୀଦତ୍ତ ପ୍ରଧାନଙ୍କୁ ୨୦୧୭ ମସିହା ସେପ୍ଟେମ୍ବର ୧୬ ତାରିଖରେ ତାଙ୍କ ଘର ସମ୍ମୁଖରେ ଦିନ ଦ୍ୱିପ୍ରହରରେ କିଛି ଦୁର୍ବୃତ୍ତ ଅତ୍ୟନ୍ତ ବିଭତ୍ସ ଭାବେ ହତ୍ୟା କରିଥିଲେ । ଏହି ଘଟଣାର ତଦନ୍ତ ପରେ ପୋଲିସ ଘଟଣାରେ ସମ୍ପୃକ୍ତି ନେଇ ୧୭ ଜଣଙ୍କୁ ଗିରଫ କରିଥିଲା ।
କଟକରୁ ନାରାୟଣ ସାହୁ, ଇଟିଭି ଭାରତ
