ଭଞ୍ଜନଗର: ଗଞ୍ଜାମ ଜିଲ୍ଲା ବିଞ୍ଜିଗିରି ଗ୍ରାମରେ ଭଜଣାକୁ ପିଟିପିଟି ହତ୍ୟା କରିବା ଅଭିଯୋଗରେ ମାମୁଁ ଓ ତାର 4 ସହଯୋଗୀ ଗିରଫ । ହତ୍ୟାକାଣ୍ଡରେ ବ୍ୟବହୃତ କାଠଫାଳିଆ, ଲୁହାରଡ ସମେତ ଗୋଟିଏ ବାଇକ ଜବତ । ଗିରଫ ପରେ 5 ଅଭିଯୁକ୍ତଙ୍କୁ କୋର୍ଟ ଚାଲାଣ କଲା ପୋଲିସ ।
ଭଣଜାକୁ ହତ୍ୟା କରିବା ଅଭିଯୋଗ, ମାମୁଁ ସହ 4 ଅଭିଯୁକ୍ତ ଗିରଫ
ଘଟଣା ଅନୁସାରେ, ଗାଙ୍ଗପୁର ଥାନା ବିଞ୍ଜିଗିରି ଗ୍ରାମରେ ପାରିବାରିକ କଳହକୁ ନେଇ ଭଜଣା ଆମ୍ବବାଳି ଗ୍ରାମର କୃତିବାସ ଗୌଡ ଓ ମାମୁଁ ଗୋପାଳ ଗୌଡଙ୍କ ମଧ୍ୟରେ ବିବାଦ ଲାଗି ରହିଥିଲା । ଗତ 29 ତାରିଖ ଦିନ ଭଜଣାକୁ କୌଣସି କାରଣ ପାଇଁ ଫୋନ କରି ନିଜ ଗାଁକୁ ଡକାଇଥିଲା ମାମୁଁ ଗୋପାଳ ଗୌଡ ।
ପରେ ନିଜ 4 ବନ୍ଧୁଙ୍କ ସହ ମିଶି ଭଣଜାକୁ କାଠଫାଳିଆ ଓ ଲୁହାରଡରେ ପିଟିପିଟି ହତ୍ୟା କରିବା ସହ ଗାଁ ଦାଣ୍ଡରେ ଫୋପାଡି ଦେଇଥିଲେ । ତେବେ ଏହାର ତଦନ୍ତ କରିବା ପରେ ପୋଲିସ ଅଭିଯୁକ୍ତ ମାମୁଁ ସମେତ ତାର 4 ସହଯୋଗୀକୁ ଗରିଫ କରି କୋର୍ଟ ଚାଲାଣ କରିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
