ବଜ୍ରାଘାତରେ ଯୁବକ ସହ ଗୋଟେ ଗାଈ ଓ ବାଛୁରୀ ମୃତ

ଗଞ୍ଜାମ ଜିଲ୍ଲା ତାରସିଙ୍ଗି ଥାନା ତୋଲଡି ଗ୍ରାମରେ ବଜ୍ରାଘାତରେ ଜଣେ ଯୁବକ, ଗାଈ ଓ ବାଛୁରୀର ମୃତ୍ୟୁ ଘଟିଛି । ପଢନ୍ତୁ ସମ୍ପୂର୍ଣ୍ଣ ଖବର...

ଭଞ୍ଜନଗର: ଗଞ୍ଜାମ ଜିଲ୍ଲା ତାରସିଙ୍ଗି ଥାନା ତୋଲଡି ଗ୍ରାମରେ ବଜ୍ରପାତ । ଏହି ବଜ୍ରାଘାତରେ ଜଣେ ଯୁବକର ମୃତ୍ୟୁ ହୋଇଥିବା ବେଳେ ଗୋଟିଏ ଗାଈ ଓ ବାଛୁରୀର ମଧ୍ୟ ମୃତ୍ୟୁ ଘଟିଛି । ମୃତ ଯୁବକ ଜଣକ ହେଲେ ଲକ୍ଷ୍ମଣ ବେହେରା ।

ଘଟଣାସ୍ଥଳରେ ତାରସିଙ୍ଗି ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ଭଞ୍ଜନଗର ମେଡିକାଲକୁ ପଠାଇଛି । ସୂଚନା ଅନୁସାରେ ଲକ୍ଷ୍ମଣ ସନ୍ଧ୍ୟା ସମୟରେ ଗାଇ ବାଛୁରୀକୁ ଧରି ଘରକୁ ଫେରୁଥିବା ବେଳେ ବଜ୍ରପାତ ହେଲା । ଆଉ ବଜ୍ରାଘାତରେ ଘଟଣାସ୍ଥଳରେ ହିଁ ଲକ୍ଷ୍ମଣଙ୍କର ମୃତ୍ୟୁ ହୋଇଥିଲା ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ