ଭଞ୍ଜନଗର: ଜିଲ୍ଲାର ଆସିକା ଥାନାସ୍ଥିତ ସୁବନେଶ୍ୱର ମନ୍ଦିରରେ ଏକ ବଡ଼ ଧରଣର ଡକାୟତି ଉଦ୍ୟମ ପାଇଁ ଯୋଜନା ପ୍ରସ୍ତୁତ ବେଳେ ଆସିକା ପୋଲିସ ଚଢାଉ କରି ଚାରି ଜଣଙ୍କୁ ଗିରଫ କରିଥିବାବେଳେ ଦୁଇଜଣ ଚମ୍ପଟ ମାରିଛନ୍ତି । ଗିରଫଙ୍କ ଠାରୁ ଗୋଟିଏ ପିସ୍ତଲ, ଦୁଇଟି ଜୀବନ୍ତ ଗୁଳି, ଦୁଇଟି ମୋଟର ସାଇକେଲ, 10ଟି ଅଫୁଟା ବୋମା ସହ ବହୁ ମାରଣାସ୍ତ୍ର ଜବତ ହୋଇଛି ।
ସୁବନେଶ୍ୱର ମନ୍ଦିରରେ ବଡ଼ ଧରଣର ଡକାୟତି ଉଦ୍ୟମ ପଣ୍ଡ: ୪ ଗିରଫ, ୨ ଫେରାର
ଗିରଫ ବ୍ୟକ୍ତିମାନଙ୍କ ନାମରେ ବିଭିନ୍ନ ଥାନାରେ ଏକାଧିକ ହତ୍ୟା ମାମଲା ରହିଛି ବୋଲି ଆସିକା ଥାନାଧିକାରୀ ପ୍ରଶାନ୍ତ ସାହୁ ସୂଚନା ଦେଇଛନ୍ତି । ଏହାସହ ଡକାୟତି ଉଦ୍ୟମରେ ଜଡିତ ଅନ୍ୟ ସହଯୋଗୀଙ୍କୁ ମଧ୍ୟ ଅତିଶୀଘ୍ର ଧରାଯିବ ବୋଲି ସେ ସୂଚନା ଦେଇଛନ୍ତି। ପାର୍ବଣ ସମୟରେ ଡକାୟତ ଗୋଷ୍ଠି ଅଧିକ ସକ୍ରିୟ ହୋଇଥାନ୍ତି । ତେଣୁ ସେମାନଙ୍କ ଉପରେ ଆସିକା ପୋଲିସର କଡା ନଜର ରହିଛି ବୋଲି ଥାନାଧିକାରୀ କହିଛନ୍ତି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
