ଗଞ୍ଜାମ: ଜିଲ୍ଲାରେ ସଂକ୍ରମଣର ଶିକାର ହୋଇଛନ୍ତି କୋରୋନା ଯୋଦ୍ଧା । କୋରୋନା ମୁକାବିଲାରେ ଡାକ୍ତର ଓ ସ୍ବାସ୍ଥ୍ୟ କର୍ମୀଙ୍କ ପରେ ପୋଲିସ କର୍ମଚାରୀଙ୍କ ପ୍ରମୁଖ ଭୁମିକା ରହିଛି । ବ୍ରହ୍ମପୁର ପୋଲିସର 8 କର୍ମଚାରୀ ଓ ଗଞ୍ଜାମ ପୋଲିସର 5ଜଣ ସଦସ୍ୟ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏନେଇ ଗଞ୍ଜାମ ଆରକ୍ଷୀ ଅଧିକ୍ଷକ ଓ ବ୍ରହ୍ମପୁର ଆରକ୍ଷୀ ଅଧିକ୍ଷକ ପିନାକ ମିଶ୍ର ଟ୍ବିଟ ଯୋଗେଁ ସୂଚନା ଦେଇଛନ୍ତି ।
ତେବେ ରିପୋର୍ଟ ପଜିଟିଭ ଆସିଥିବା ଏହି ସମସ୍ତ କୋରୋନା ଯୋଦ୍ଧାଙ୍କ ସ୍ବାସ୍ଥ୍ୟବସ୍ଥା ଭଲ ରହିଥିବା ଦୁଇ ପୋଲିସ ଜିଲ୍ଲାର ମୁଖ୍ୟ ଟ୍ବିଟରେ ଉଲ୍ଲେଖ କରିଛନ୍ତି । ସମସ୍ତଙ୍କୁ ସ୍ବାସ୍ଥ୍ୟ ବିଭାଗର ପର୍ଯ୍ୟବେକ୍ଷଣରେ ରଖାଯାଇଛି । ଏଥିସହିତ ସମସ୍ତଙ୍କ ଆଶୁ ଆରୋଗ୍ୟ କାମନା କରାଯାଇଛି ।
ପୂର୍ବରୁ ଗଞ୍ଜାମ ଜିଲ୍ଲାର ବହୁ ପୋଲିସ କର୍ମଚାରୀ କୋଭିଡ-19 ସଂକ୍ରମଣର ଶିକାର ହୋଇଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
