ଗଜପତି : ଦିନକୁ ଦିନ ବଢୁଛି ବେଆଇନ ଗଞ୍ଜେଇ ଚାଲାଣ । ଆଉ ବିଭିନ୍ନ ଉପାୟରେ ଗୋଟିଏ ସ୍ଥାନରୁ ଆଉ ଗୋଟିଏ ସ୍ଥାନକୁ ଚାଲାଣ କରୁଛନ୍ତି ଚୋରା ଚାଲାଣକାରୀ । ଆର୍. ଉଦୟଗିରିରୁ ପୋଲିସ 3 କୁଇଣ୍ଟାଲ 75 କେଜି ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିଛି।
ଭିଡିଓ ସୌଜନ୍ୟ : ପ୍ରତିନିଧି, ଗଜପତି
ଗିରଫ ଅଭିଯୁକ୍ତ ଜଣଙ୍କ ହେଲେ ସୁଗାଡ ଗାଁର ଲାବନ୍ୟ କରାଡ । ଷୋହଳଟି ବସ୍ତାରେ ଭର୍ତ୍ତି ହୋଇଥିବା ଗଞ୍ଜେଇକୁ ନେଇ ଏକ ଗାଡି ଗଞ୍ଜାମ ଅଭିମୁଖେ ଯାଉଥିଲା । ଠିକ୍ ଏହି ସମୟରେ ପୋଲିସ କୌଣସି ସୂତ୍ରରୁ ଖବର ପାଇ ଗାଡି ଉପରେ ଚଢାଉ କରି ଗଞ୍ଜେଇକୁ ଜବତ କରିଥିଲା । ଜବତ ହୋଇଥିବା ଚୋରା ଗଞ୍ଜେଇର ମୁଲ୍ୟ ପାଖାପାଖି 11 ଲକ୍ଷ ହେବ ବୋଲି ଆର୍. ଉଦୟଗିରି ଥାନା ଏସଡିପିଓ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
