ଗଜପତି: ସୁରଭି କେନ୍ଦ୍ର ପରିଦର୍ଶନ କରିଛନ୍ତି ରାଜ୍ୟ କିନ୍ନର ସଂଘ ସଭାପତି ମୀରା ପରିଡା । ପାରଳାଖେମୁଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ଆରମ୍ଭ ହୋଇଥିବା ସୁରଭି କେନ୍ଦ୍ର ପରିଦର୍ଶନ କରିଛନ୍ତି ରାଜ୍ୟ କିନ୍ନର ସଂଘ ସଭାପତି ମୀରା ପରିଡା ।
ଏହି କେନ୍ଦ୍ରରେ କିନ୍ନରମାନେ କ୍ଷୀର ଏବଂ ଚା’ ବିକ୍ରି କରନ୍ତି । ତେବେ ମୀରା ପରିଡା ରାୟଗଡା ଜିଲ୍ଲା ଯାଇ ଭୁବନେଶ୍ବର ଫେରୁଥିବାବେଳେ ରାସ୍ତାରେ ଏହି କେନ୍ଦ୍ର ଦେଖି ଖୁବ୍ ପ୍ରଶଂସା କରିଥିଲେ । ସାରା ଦେଶରେ କିନ୍ନରମାନଙ୍କୁ ନେଇ ବିଭିନ୍ନ ଟାହି ଟାପରା କରାଯାଉଥିବା ବେଳେ ଗଜପତି ଭଳି ଏକ ଉପାନ୍ତ ଜିଲ୍ଲାରେ କିନ୍ନରମାନେ ସମାଜରେ ମୁଖ୍ୟ ସ୍ରୋତରେ ସାମିଲ ହେବା ନେଇ ଉଦ୍ୟମ ନିଶ୍ଚିତ ଭାବେ ଏକ ବଡ କଥା ବୋଲି ସେ କହିଛନ୍ତି । ଏହାସହ ଏଥିରେ ସ୍ଥାନୀୟ ଏସପି ସାରା ଶର୍ମା ଏବଂ ପ୍ରଶାସନ ଯେଭଳି ସହାୟତା କରିଛନ୍ତି ତାହା ଅତ୍ୟନ୍ତ ମର୍ମସ୍ପର୍ଶୀ ବୋଲି ସେ କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
