ଗଜପତି: ଜିଲ୍ଲା ପାରଳାଖେମୁଣ୍ଡି ପୋଲିସ ବାଇକ ଓ ଟଙ୍କା ଚୋର ମାମଲାରେ 2 ଜଣକୁ ଗିରଫ କରି କୋର୍ଟ ଚାଲାଣ କରିଛି । ସେମାନେ ହେଲେ ବାଇକ ଚୋରି କରିଥିବା ପାରଳାଖେମୁଣ୍ଡି ସୁନାରି ସାହିର ରାଜୁ ବେହେରା ଏବଂ ଟଙ୍କା ଚୋରି କରିଥିବା ପାରଳା ଜାଗିଲି ସାହିର ଡି ଆପଲ୍ଲା ସ୍ବାମୀ ।
ସୁନାରି ସାହିର ଲକ୍ଷ୍ମୀକାନ୍ତ ପରିଛା ନିଜର ଏକ ସ୍କୁଟି ଗତ 8 ତାରିଖ ରାତିରେ ନିଜ ଘର ଦାଣ୍ଡରେ ରଖିଥିବା ବେଳେ ଚୋରି ହୋଇଥିବା ନେଇ 9 ତାରିଖରେ ପାରଳାଖେମୁଣ୍ଡି ଥାନାରେ ଅଭିଯୋଗ କରିଥିଲେ । ସେହିପରି ଗତ 14ଦିନ ଗୁଣ୍ଡିଚା ମନ୍ଦିରରେ ସନ୍ଧ୍ୟା ଆଳତି ସମୟରେ କୁଲୁଣ୍ଡା ଗ୍ରାମର ଅନନ୍ତ ଗୌଡଙ୍କ ପକେଟରୁ 9000 ଟଙ୍କା ଚୋରି ହୋଇଥିବାର ଅଭିଯୋଗ କରିଥିଲେ ।
ତେବେ ଏହି 2 ମାମଲାକୁ ଆଧାର କରି ପୋଲିସ ତଦନ୍ତ ଆରମ୍ଭ କରିଥିଲା । ସିସିଟିଭି ଫୁଟେଜ ଯାଞ୍ଚ କଲାବେଳେ ଡି ଆପଲ୍ଲାସ୍ବାମୀ ଟଙ୍କା ଚୋରି କରିଥିବା ନିଶ୍ଚିତ ହୋଇଥିଲା । ଏହାକୁ ଭିତ୍ତି କରି ପୋଲିସ ସି' ଟିମ ସହାୟତାରେ 2ଟି ମାମଲାରେ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରାଯାଇଥିବା ଆଜି ଏକ ସାମ୍ବାଦିକ ସମ୍ମଳନୀରେ ଏସ ସାରା ଶର୍ମା କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
