ଗଜପତି: କୋରୋନା କଟକଣା ଯୋଗୁଁ ବିଭିନ୍ନ କ୍ଷେତ୍ର ପ୍ରଭାବିତ ହୋଇଛି । ପାରଳାଖେଣୁଣ୍ଡିର ମୁନାଫା ଖୋର ଏବଂ କଳା ବେରାରୀଙ୍କୁ କିନ୍ତୁ ଏହା ବେଶ୍ ସୁହାଇଛି । କୋରେନା ପାଇଁ ଗତ କିଛି ମାସ ହେଲା କେତେବେଳେ ଲକଡାଉନ୍ ତ କେତେ ସଟଡାଉନ୍ ପୁଣି ଆଉ କେତେବେଳେ ଯାତାୟତ ଉପରେ କଟକଣା ଲାଗୁ ହେଉଥିବା ଯୋଗୁଁ ଗମନାଗମନ ମଧ୍ୟ ଏକ ପ୍ରକାର ବନ୍ଦ ହୋଇଛି । ଫଳରେ ବାହାରକୁ ଯାଉଥିବା ଏହି ଅଞ୍ଚଳର ପନିପରିବା ଆଉ ଯିବା ସମ୍ଭବ ହେଉନାହିଁ । ତେଣୁ ଚାଷୀମାନେ ସ୍ଥାନୀୟ ବେପାରୀଙ୍କୁ ନିଜର ଅମଳ ପନିପରିବା ଶାଗ ମାଛ ଦରରେ ବିକ୍ରି କରିବାକୁ ବାଧ୍ୟ ହେଉଥିବା ବେଳେ ସେ ପରିବାକୁ ମୁନାଫା ଖୋର ବ୍ୟବସାୟୀମାନେ ଗ୍ରାହକଙ୍କୁ ଚଢା ଦରରେ ଏହାକୁ ବିକ୍ରି କରୁଥିବା ଦେଖିବାକୁ ମିଳିଛି ।
ଗଜପତି ଜିଲ୍ଲାର ଅନ୍ୟାନ୍ୟ ଅଞ୍ଚଳ କଥା ଦୂରେ ଥାଉ ଖୋଦ୍ ପାରଳାଖେମୁଣ୍ଡି ସହରରେ ପ୍ରଶାସନର ନାକତଳେ ଏଭଳି କରାଯାଉଥିଲେ ମଧ୍ୟ ପ୍ରଶାସନ ଏହାକୁ ନିୟନ୍ତ୍ରଣ କରିବାରେ ବିଫଳ ହେବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଭେଣ୍ଡି କିଲୋ ପିଛା ୪୦ଟଙ୍କା, ବିନ୍ସ କିଲୋ ପିଛା ୮୦ଟଙ୍କା, ବାଇଗଣ କିଲୋ ପିଛା ୫୦ ଟଙ୍କା, ଟମାଟ କିଲୋ ପିଛା ୫୦ ଟଙ୍କା, ଜହ୍ନି କିଲୋ ପିଛା ୫୦ଟଙ୍କ । କେବଳ ଏତିକି ନୁହେଁ ଯେଉଁ ପରିବାରେ ହାତ ମାରିଲେ କୌଣସି ଜିନିଷ ୪୦ ଟଙ୍କାରୁ କମ୍ ନୁହେଁ । ମନ ପାଇଲେ କିଣ, ନ ହେଲେ ଚାଲ, ଏଭଳି ପରିସ୍ଥିତି । ତାହାବି ତୁମେ ବାଛିପାରିବ ନାହିଁ । ସେମାନେ ଯାହା ଦେବେ ଆଣିବାକୁ ବାଧ୍ୟ । କେବଳ ପନିପରିବା ନୁହେଁ, ଆମିଷ ବଜାରରେ ବି ସମାନ ଅବସ୍ଥା । ମାଛ କିଲୋ ପିଛା ୧୮୦ରୁ ୨ ଶହ, ଛେଳି ମାଂସ କିଲୋ ପିଛା ୭ଶହ, ଦେଶୀ କୁକୁଡା କିଲୋ ପିଛା ୬ଶହ, ଚିଙ୍ଗୁଡି କିଲୋପିଛା ୪ ଶହ ଟଙ୍କା ।
ତେଣୁ ଯେଉଁ ଭଳି ଜିନିଷ ମଧ୍ୟ ବଜାରରେ ବିକ୍ରି କରାଯାଉଛି । ଏଭଳି ସ୍ଥିତି ବର୍ତ୍ତମାନ ଜାରି ରହିଛି ପାରଳାଖେମୁଣ୍ଡି ବଜାରରେ । ଆଗରୁ ଦର ସମାନ୍ୟ ଅଧିକ ରହିଥିଲେ ମଧ୍ୟ ଲୋକଙ୍କୁ ଏତେଟା ବାଧୁନଥିଲା । କିନ୍ତୁ କୋରୋନା କଟକଣା ଆରମ୍ଭ ହେବା ପରଠାରୁ ବିଶେଷ କରି ଗତ ୨୮ ତାରିଖରୁ ୩୦ ତାରିଖ ଯାଏଁ ୩ଦିନିଆ ସଟଡାଉନ୍ ପୂର୍ବରୁ ବଜାରର ସ୍ଥିତି ଅସମ୍ଭାଳ ହୋଇପଡିଛି । ଗତ ଶୁକ୍ରବାର ଠାରୁ ରବିବାର ଦିନ ବନ୍ଦ ରହିବା ପାଇଁ ପ୍ରଶାସନ ଘୋଷଣା କରିବା ପରେ ୨୭ ତାରିଖ ଦିନ ବଜାରରେ ଲୋକଙ୍କ ପ୍ରବଳ ଭିଡ ପରିଲିକ୍ଷିତ ହୋଇଥିଲା । ସେହିପରି ରବିବାର ସଟଡାଉନ ସରିବା ପରେ ସୋମବାର ବଜାର ଭିଡ ନିୟନ୍ତ୍ରଣ କରିବା କଷ୍ଟକର ହୋଇପଡ଼ିଥିଲା ।
ପାରଳାଖେମୁଣ୍ଡି ବଜାରକୁ ଗତ କିଛି ବର୍ଷ ହାତଗଣତି କିଛି ବ୍ୟବସାୟୀ ନିୟନ୍ତ୍ରଣ କରିଆସୁଛନ୍ତି । ସେମାନେ ସକାଳୁ ଯାହା ଦର ଧାର୍ଯ୍ୟ କରିବେ ସମସ୍ତେ ସେହି ଦରରେ ବିକ୍ରି କରିବାକୁ ବାଧ୍ୟ । ନଚେତ୍ ସେମାନଙ୍କ ଦ୍ଵାରା ନିର୍ଯ୍ୟାତନା ହେବା ଥୟ । ପାରଳାଖେମୁଣ୍ଡି ବଜଦାରରେ ଏଭଳି ହେଉଥିବା ନେଇ ବାରମ୍ବାର ଅଭିଯୋଗ ହେଉଥିଲେ ମଧ୍ୟ ପ୍ରଶାସନ କୌଣସି ଠୋସ୍ ପଦକ୍ଷେପ ଗ୍ରହଣ କରୁନାହିଁ । ନା ଏହି ବାବସାୟୀଙ୍କ ଉପରେ ରୋକ ଲଗାଇ ପାରୁଛି ନା ନୂତନ ବଜାର ସୃଷ୍ଟି କରି ନୂତନ ବ୍ୟବସାୟୀଙ୍କୁ ଉତ୍ସାହିତ କରୁଛି । ଯାହା ଫଳସ୍ବରୂପ ପାରଳାଖେମୁଣ୍ଡି ବଜାରର ସ୍ଥିତି ବିଗିଡିବାରେ ଲାଗିଛି ବୋଲି ଲୋକେ ଅଭିଯୋଗ କରିଛନ୍ତି । ଖୋଦ୍ ପାରଳାଖେମୁଣ୍ଡି ସହରରେ ପ୍ରଶାସନର ନାକତଳେ ଏଭଳି ହେଉଥିଲେ ମଧ୍ୟ ପ୍ରଶାସନ ହାତବାନ୍ଧି ବସିବା ପ୍ରଶାସନର କାର୍ଯ୍ୟଦକ୍ଷତା ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛି । ତେବେ ଏନେଇ ପାରଳାଖେମୁଣ୍ଡି ଉପଜିଲ୍ଲାପାଳ ଅତିଶୀଘ୍ର ବ୍ୟବସାୟୀମାନଙ୍କ ସହ ବୈଠକ କରି ଏହି ସମସ୍ୟାର ସମାଧାନ କରାଯିବ ବୋଲି ସେ କହିଛନ୍ତି । ତେବେ ସ୍ଥାନୀୟ ଅଞ୍ଚଳରେ ସେଭଳି କୌଣସି ପରିବା ଉତ୍ପାଦନ ହେଉନଥିବାରୁ ବାହାର ଆଣିବାକୁ ପଡୁଛି । ତେଣୁ ଦର ବଢିଥିବା ବ୍ୟବସାୟୀ କହିଛନ୍ତି ।
ଗୋଟି୍ଏ ପଟେ କୋରୋନା ପାଇଁ ଲୋକଙ୍କ ନିକଟରେ କାମଧନ୍ଦା ନାହିଁ, ଅନ୍ୟପଟେ ବଜାର ଦର ହୁ ହୁ ହୋଇ ବଢିବା ଲୋକଙ୍କୁ ନୟାନ୍ତ କରିପକାଇଲାଣି । ତେଣୁ ପ୍ରଶାସନ ଏହା ଉପରେ ତୁରନ୍ତ ପଦକ୍ଷେପ ନେବା ଜୁରୁରୀ ହୋଇପଡିଛି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
