ଗଜପତି: ପାରଳାଖେମୁଣ୍ଡି ନିକଟସ୍ଥ ରାଣୀପେଣ୍ଠ ଗ୍ରାମ ବିନୋଦିନି ମହାବିଦ୍ୟାଳୟ ନିକଟରେ ଏକ ବାଇକ ସହ ବୋଲେରୋ ର ମୁହାଁମୁହିଁ ଧକ୍କା । ବାଇକ ସହ ବୋଲେରୋର ଧକ୍କା ହେବା ଫଳରେ ଜଣେ ମୃତ ଆଉ ଦୁଇଜଣ ଗୁରୁତର ।
ବାଇକ-ବୋଲେରୋ ମୁହାଁମୁହିଁ, ଜଣେ ମୃତ ଦୁଇ ଗୁରୁତର
ମୃତ ଜଣକ ହେଲେ ଜୋଏବ ଗମାଙ୍ଗ ଗୁମ୍ମା ବ୍ଲକର ଆବାସିଙ୍ଗ ଗ୍ରାମର ବୋଲି ଜଣାପଡିଛି । ଜୋଏବ ନିଜ ପତ୍ନୀ ଅନିତା ଗମାଙ୍ଗ ଏବଂ ପୁଅ ଅମୀ ଗମାଙ୍ଗ ମିଶି ବାଇକରେ ନିଜ ଶଶୁର ଘରୁ ନିଜ ଗ୍ରାମ ଲକ୍ଷ୍ମୀପୁର ଫେରୁଥିଲେ ସେହି ସମୟରେ ଦୁର୍ଘଟଣାର ଶିକାର ହୋଇଛନ୍ତି ।
୩ ଜଣଙ୍କୁ ଗୁରୁତର ଅବସ୍ଥାରେ ପାରଳାଖେମୁଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଜୋଏବ ମୃତ୍ୟୁ ବରଣ କରିଥିବା ବେଳେ ତାଙ୍କ ପୁଅ ଓ ପତ୍ନୀ ଅନିତାଙ୍କ ଅବସ୍ଥା ଗୁରୁତର ରହିଛି । ଚିକିତ୍ସା ଜାରି ରହିଛି ।
ବର୍ତ୍ତମାନ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
