ଗଜପତି: ପାରଳାଖେମୁଣ୍ଡି ରାମନଗର ନିକଟରେ ଚାଲିଥିବା ଏକ ଜୁଆ ଆଡ୍ଡା ଉପରେ ପୋଲିସ ଅଚାନକ ଚଢାଉ କରିଛି । ଚଢାଉରେ 6ଜଣ ଜୁଆଡିକୁ ଗିରଫ କରିଛି ପୋଲିସ । ସେମାନଙ୍କ ନିକଟରୁ 97ହଜାର 9ଶହ ଟଙ୍କା, 5ଟି ମୋବାଇଲ୍ ସେଟ୍, ଗୋଟିଏ ହ୍ୟୁଣ୍ଡାଇ ଭେର୍ନା କାର୍, 2ଟି ସ୍କୁଟି ଏବଂ 2ଟି ତାସ୍ ପ୍ୟାକେଟକୁ ଜବତ କରାଯାଇଥିବା ନେଇ ସୂଚନା ଦେଇଛନ୍ତି ପାରଳାଖେମୁଣ୍ଡି ଥାନା ଅଧିକାରୀ ବିବେକାନନ୍ଦ ସ୍ବାଇଁ ।
ସୂଚନା ଅନୁସାରେ ରାମନଗର ଅଞ୍ଚଳରେ ଜୁଆ ଆଡ୍ଡା ଚାଲିଥିବା ନେଇ ପୋଲିସ ସୂଚନା ପାଇ ଅଚାନକ ଚଢାଉ କରିଥିଲା । ଗଜପତି, ଗଞ୍ଜାମ, ରାୟଗଡ ଜିଲ୍ଲା ସମେତ ଆନ୍ଧ୍ରର ବିଭିନ୍ନ ଅଞ୍ଚଳରୁ ଜୁଆଡିମାନେ ଆସି ଗଜପତି ଜିଲ୍ଲାର କାଜୁତୋଟା ଏବଂ ପାହାଡ ତଳି ଅଞ୍ଚଳରେ ଜୁଆ ଖେଳିଥାନ୍ତି । ସ୍ଥାନୀୟ ଅଞ୍ଚଳର କିଛି ତଥାକଥିତ ଲୋକ ଏହି ଜୁଆ ଆଡ୍ଡା ଚଳାଇଥାନ୍ତି । ପୋଲିସର ବାରମ୍ବାର ଚଢଉ ପରେ ଏହା ବନ୍ଦ ହୋଇ ନଥିଲା । ପୁଣି ପୋଲିସ ଏକ ମାଷ୍ଟରପ୍ଲାନ ପ୍ରସ୍ତୁତ କରି ଅଚାନକ ଚଢାଉ କରିଥିଲା । ପାରଳାଖେମଣ୍ଡି ଥାନାରେ ଏକ ମାମଲା 156/22 ରୁଜ୍ଜୁ ହୋଇ ତଦନ୍ତ ଜାରି ରହିଛି ।
ଇଟିଭି ଭାରତ
