ଗଜପତି: ଅତିରିକ୍ତ ଜିଲ୍ଲା ଦୌରାଜଜ ନାବାଳିକାକୁ ଦୁଷ୍କର୍ମ ଅଭିଯୋଗରେ ଦୋଷୀକୁ 10ବର୍ଷ ଜେଲ ସହ 10 ହଜାର ଟଙ୍କା ଜୋରିମାନା ନଚେତ 6ମାସ ଅଧିକ ଜେଲ ଦଣ୍ଡ ଭୋଗିବ ବୋଲି ରାୟ ଶୁଣାଇଛନ୍ତି । ଦୋଷୀ ଜଣକ ପାରଳାଖେମୁଣ୍ଡିର ନୂଆ କମ୍ପୋ ସାହିର ବାରିକ ପ୍ରଧାନ ।
ନାବାଳିକା ଦୁଷ୍କର୍ମ ଉଦ୍ୟମକାରୀକୁ 10 ବର୍ଷ ଜେଲ
ଗତ ମାର୍ଚ୍ଚ 10ରେ ବାରିକ ପ୍ରଧାନ ବିଭିନ୍ନ ସମୟରେ ନିଜ ପଡୋଶୀ ଘରର 7 ବର୍ଷୀୟ ନାବାଳିକାକୁ ନିଜ ଘରକୁ ଡାକି ଅଶ୍ଳୀଳ ବ୍ୟବହାର କରିବା ସହ ଦୁଷ୍କର୍ମ କରିବା ଉଦ୍ୟମ କରିଥିବା ନେଇ ପାରଳାଖେମୁଣ୍ଡି ଥାନାରେ ଅଭିଯୋଗ ହୋଇଥିଲା । ଏହି ଅଭିଯୋଗକୁ ଭିତ୍ତି କରି ଏକ ମାମଲା ରୁଜୁ କରାଯାଇଥିଲା । ଏହି ମାମଲାର ଶୁଣାଣି କରି ଗଜପତି ଜିଲ୍ଲା ଅତିରିକ୍ତ ଜିଲ୍ଲା ଦୌରାଜଜ ଏହି ସଜା ଶୁଣାଇଛନ୍ତି।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
