ଗଜପତି: ଫେଲ ମାରିଲା ଡକାୟତି ପ୍ଲାନ । ପୋଲିସ ହାତରେ ଧରା ପଡିଲା ପାରଳାଖେମୁଣ୍ଡିର ଏକ ଡକାୟତି ଗ୍ୟାଙ୍ଗ । ବିଶ୍ବସ୍ତସୂତ୍ରରୁ ଖବର ପାଇ ଶୁକ୍ରବାର ଭୋର ପ୍ରାୟ 3ଟାରେ ପୋଲିସ ଝାମି ଗାଁ ରାସ୍ତାରେ ଚଢାଉ କରିବା ପରେ ଧରା ପଡିଥିଲା ଏହି ଗ୍ୟାଙ୍ଗ । ଏହି ଗ୍ୟାଙ୍ଗ ପଥଚାରୀଙ୍କୁ ଲୁଟ୍ କରୁଥିବା ନେଇ ପୂର୍ବରୁ ଅଭିଯୋଗ ହୋଇଥିଲା ।
ସୂଚନା ଅନୁଯାୟୀ ଏହି ଡକାୟତି ଗ୍ୟାଙ୍ଗ ଝାମି ଗାଁ ରାସ୍ତାରେ ଯିବା ଆସିବା ଲୋକଙ୍କୁ ଲୁଟ୍ କରୁଥିବା ନେଇ ଅନେକ ଦିନରୁ ଲୋକେ ଅଭିଯୋଗ କରି ଆସୁଥିଲେ । ବିଶ୍ବସ୍ତସୂତ୍ରରୁ ଖବର ପାଇବା ପରେ ପୋଲିସ ଶୁକ୍ରବାର ଭୋର 3ଟାରେ ସମ୍ପୃକ୍ତ ରାସ୍ତା ବ୍ଲକିଂ କରିଥିଲା । ଯେଉଁଥିରେ ଡକାୟତ ଗ୍ୟାଙ୍ଗର 3 ଜଣ ଧରା ପଡିବା ସହ ସେମାନଙ୍କଠାରୁ 2ଟି ହାତ ତିଆରି ବୋମା, ଗୋଟିଏ ଖଣ୍ଡା, ଛୁରୀ, ଗନ ପାଉଡର ଓ ଅନ୍ୟାନ୍ୟ ବିସ୍ଫୋରକ ସାମଗ୍ରୀ ଜବତ କରାଯାଇଛି ।
ଗିରଫ 3 ଜଣଙ୍କୁ ଶୁକ୍ରବାର କୋର୍ଟ ଚାଲାଣ କରାଯାଇଛି । ଅନ୍ୟପଟେ ଗ୍ୟାଙ୍ଗର ଅନ୍ୟ 5 ଜଣ ପୋଲିସକୁ ଚକମା ଦେଇ ଘଟଣାସ୍ଥଳରୁ ଫେରାର ହୋଇଯାଇଥିଲେ । ତେବେ ଫେରାର ଡକାୟତମାନଙ୍କ ତଲାସ ଜାରି ରହିଛି ବୋଲି ସୂଚନା ଦେଇଛନ୍ତି ପାରଳାଖେମୁଣ୍ଡି ଏସ୍ଡିପିଓ ଠାକୁର ପ୍ରସାଦ ପାତ୍ର ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
