ଗଜପତି : ଗତ କିଛି ଦିନ ଧରି ଲଗାଣ ବର୍ଷା ଯୋଗୁଁ ଗଜପତି ଜିଲ୍ଲାରେ ଆଜି ସକାଳ ୬ଟାରେ ନୂଆଗଡ଼ ବ୍ଲକ ପରିମଳ ପଞ୍ଚାୟତ ନୂଆପଳି ଗାଁରେ ଭୂସ୍ଖଳନ ହୋଇଛି । ଏହି ଭୂସ୍ଖଳନରେ କୌଣସି ଜୀବନ ନଷ୍ଟ ହୋଇନଥିବା ବେଳେ ଜଣେ ବ୍ୟକ୍ତିଙ୍କ ଘର ଭାଙ୍ଗିଯିବା ସହ ଗାଁର ଏକାଧିକ ବାଇକ ବର୍ଷା କାଦୁଅରେ ପୋତି ହୋଇ ନଷ୍ଟ ହୋଇଥିବା ସୂଚନା ମିଳିଛି ।
ଗଜପତି ନୂଆପଳିରେ ଭୂସ୍ଖଳନ, ଭାଙ୍ଗିଲା ଘର, ପୋତି ହୋଇଗଲା ବାଇକ୍
ପାହାଡ଼ ଉପରୁ ମାଟି ଅତଡ଼ା ସହ ବର୍ଷା ଜଳ ଗାଁ ମଧ୍ୟକୁ ଚାଲିଆସିଥିବା ଦେଖାଯାଇଛି । ଖବରପାଇ ନୂଆଗଡ ବିଡିଓ ଲାବଣ୍ୟେନ୍ଦୁ ମହାନ୍ତି ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିବା ସହ ଲୋକଙ୍କୁ ରନ୍ଧା ଖାଦ୍ୟ ଯୋଗାଇ ଦେଇଥିବା ଜଣାପଡିଛି ।
ଇଟିଭି ଭାରତ, ଗଜପତି
