ଗଜପତି: ଜିଲ୍ଲାର ଅଡ଼ବା ଥାନା ଅନ୍ଧାରି ଘଟି ରାସ୍ତା ଏକ କଲଭର୍ଟ ତଳୁ 2 ଟି ଲ୍ୟାଣ୍ଡମାଇନ୍ସ ଠାବ କରିଛି ପୋଲିସ। ଯାହାର ଓଜନ 50 କେଜି ବୋଲି ଅନୁମାନ କରାଯାଉଛି।
ଭିଡିଓ ସୌଜନ୍ୟ: ପ୍ରତିନିଧି, ଗଜପତି
ଏସପିଙ୍କ ନେତୃତ୍ୱରେ ଅଡବା ଥାନା ପୋଲିସ ଓ ଏସଏସବିଏନ ଟିମ ମିଳିତ ଭାବେ ଚଢାଉ କରି ଏହି ଲ୍ୟାଣ୍ଡମାଇନ୍ସ ଜବତ କରିଥିଲା ।
ତେବେ ନିର୍ବାଚନ ପାଇଁ ବଡ ଧରଣର ଅଘଟଣ ଘଟାଇବା ପାଇଁ ମାଓବାଦୀମାନେ ଏହି ଲ୍ୟାଣ୍ଡମାଇନ୍ସ ପୋଲ ତଳେ ଖଞ୍ଜି ଥିବା ଅନୁମାନ କରାଯାଉଛି ।
ବିଶେଷ ସୂତ୍ରରୁ ଖବର ପାଇ ଗଜପତି ଏସ୍ପି ଓ ବୋମା ନିଷ୍କ୍ରିୟ ଟିମ ଘଟଣାସ୍ଥଳରେ ପହଞ୍ଚି ଲ୍ୟାଣ୍ଡମାଇନ୍ସକୁ ନିଷ୍କ୍ରିୟ କରିଥିଲେ ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
