ଗଜପତି: ପାରଳାଖେମୁଣ୍ଡି ସହରର ବିଭିନ୍ନ ସ୍ଥାନରେ ଚାଲିଥିବା ଜୁଆ ଆଡ୍ଡା ଉପରେ ଚଢାଉ । ଶନିବାର ବିଳମ୍ବିତ ରାତିରେ ଚଢାଉ କରି ପାରଳାଖେମୁଣ୍ଡି ଥାନା ପୁଲିସ ୨୭ଜଣ ଜୁଆଡିଙ୍କୁ ଗିରଫ କରିଛି । ଏନେଇ ପାରଳାଖେମୁଣ୍ଡି ଏସଡିପିଓ ଠାକୁର ପ୍ରସାଦ ପାତ୍ର ସୂଚନା ଦେଇଛନ୍ତି । ସେମାନଙ୍କ ନିକଟରୁ ୧୨ଟି ମୋବାଇଲ, ୫ଟି ବାଇକ ଏବଂ ୧ ଲକ୍ଷ ୩୧ ହଜାର ୨ ଶହ ଟଙ୍କା ଜବତ କରାଯାଇଛି ।
ପାରଳାଖେମୁଣ୍ଡି ରାମଗର ଛକରେ ଚାଲିଥିବା ଏକ ଜୁଆଆଡ୍ଡା ଉପରେ ପୁଲିସ ଚଢାଉ କରି ୬ ଜଣଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୧୪ ଟି ୧୦୦ ଟଙ୍କିଆ ନୋଟ, ୩ଟି ମୋବାଇଲ, ତାସ୍ ପ୍ୟାକେଟ ଆଦି ଜବତ କରିଛି ।
ଅନ୍ୟପଟେ ନୂଆକାମ୍ପ ସାହିରେ ଚାଲିଥିବା ଆଉ ଏକ ଜୁଆ ଆଡ୍ଡା ଉପରେ ମଧ୍ୟ ଚଢଉ କରି ପୁଲିସ ଆଉ 15 ଜଣଙ୍କୁ ଗିରଫ କରିଛି । ସେମାନଙ୍କ ନିକଟରୁ ୧ ଲକ୍ଷ ୧୩ ହଜାର ଟଙ୍କା, ୭ଟି ମୋବାଇଲ, ୨ଟି ତାସ୍ ପ୍ୟାକେଟ ଜବତ କରିଛି ।
ସେହିପରି ପାରଳା ସାହିର ବାଜି ମଠରେ ଚାଲିଥିବା ଆଉ ଏକ ଜୁଆ ଆଡ୍ଡା ଉପରେ ପୁଲିସ ଚଢାଉ କରି 6ଜଣଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୪, ୧୦୦ ଟଙ୍କା, ୫ଟି ମୋବାଇଲ ଏବଂ ୫ଟି ମୋଟର ସାଇକେଲ ଜବତ କରାଯାଇଥିବା ସାମ୍ବାଦିକ ସମ୍ମିଳନୀରେ ଏସଡିପିଓ ସୂଚନା ଦେଇଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
