ଗଜପତି: ସମଗ୍ର ରାଜ୍ୟରେ ତାଣ୍ଡବ ରଚୁଛି କୋରୋନା । ଅନ୍ୟ ଜିଲ୍ଲାଗୁଡିକ ପରି ଗଜପତିରେ ମଧ୍ୟ ଦେଖିବାକୁ ମିଳିଛି କୋରୋନାର ପ୍ରଭାବ । କୋରୋନାକୁ ପ୍ରତିହିତ କରିବା ପାଇଁ ପ୍ଲାଜମା ଥେରାପି ଉପଯୋଗୀ ସାବସ୍ତ୍ୟ ହୋଇଛି । ତେଣୁ କୋରୋନାରୁ ସୁସ୍ଥ ସମସ୍ତ ବ୍ୟକ୍ତିଙ୍କୁ ପ୍ଲାଜମା ଦାନ କରିବା ପାଇଁ ମଙ୍ଗଳବାର ନିବେଦନ କରିଛନ୍ତି ଗଜପତି ଜିଲ୍ଲାପାଳ ଅନୁପମ ସାହା ।
ରାଜ୍ୟରେ ଅଣାୟତ କୋରୋନା ସ୍ଥିତି । ପ୍ରତିଦିନ ହଜାର ହଜାର ପଜିଟିଭ ଚିହ୍ନଟ ହେଉଥିବାବେଳେ ମୃତ୍ୟୁସଂଖ୍ୟାରେ ମଧ୍ୟ ବୃଦ୍ଧି ଘଟୁଛି । କୋରୋନାକୁ ମାତ୍ ଦେବା ଲାଗି ପ୍ଲାଜମା ଥେରାପି ବର୍ତ୍ତମାନ ସ୍ଥିତିରେ ମୁଖ୍ୟ ଆୟୁଧ ସାବ୍ୟସ୍ତ ହୋଇଛି । ତେଣୁ କୋରୋନାରୁ ସୁସ୍ଥ ସମସ୍ତ ବ୍ୟକ୍ତି ଆଗଭର ହୋଇ ପ୍ଲାଜମା ଦାନ କଲେ ଅନ୍ୟଲୋକଙ୍କ ଜୀବନରକ୍ଷାରେ ବଡ ସହଯୋଗୀ ହୋଇପାରିବ ବୋଲି ପ୍ରକାଶ କରିଛନ୍ତି ଜିଲ୍ଲାପାଳ ଅନୁପମ ସାହା । କୋରୋନା କବଳରୁ ସୁସ୍ଥ ହୋଇଥିବା ବ୍ୟକ୍ତିଙ୍କୁ ସେ ସାଧୁବାଦ ଜଣାଇବା ସହ ସେମାନଙ୍କୁ ପ୍ଲାଜମା ଦାନ କରିବାକୁ ନିବେଦନ କରିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
