ଗଜପତି: ବାଲ୍ୟବିବାହ ବନ୍ଦ କଲା ଗଜପତି ଜିଲ୍ଲା ପ୍ରଶାସନ । ଗଜପତି ଜିଲ୍ଲା କାଶୀନଗରରେ ବ୍ଲକର ସିଏଚ ଲକ୍ଷ୍ମୀପୁର ଗ୍ରାମରେ ହେବାକୁ ଥିବା ଏକ ବାଲ୍ୟବିବାହକୁ ବନ୍ଦ କଲା ପ୍ରଶାସନ । ବାଲ୍ୟ ବିବାହ ସମ୍ପର୍କରେ ଖବର ପାଇ କାଶୀନଗର ବାଲ୍ୟବିବାହ ନିଷେଧ ଅଧିକାରିଣୀ କନକ ଲତା ପୂଜାରୀ ପହଞ୍ଚି ବନ୍ଦ କରିଥିଲେ ।
ଏହାପରେ ବିବାହ ହେବାକୁ ଥିବା ଝିଅର ଜନ୍ମ ପ୍ରମାଣପତ୍ର ଯାଞ୍ଚ କରାଯାଇଥିଲା । ନାବାଳିକାର ଅଭିଭାବକଙ୍କୁ ବାଲ୍ୟ ବିବାହର କୁପ୍ରଭାବ ଉପରେ ବିଷଦ ଭାବରେ ବୁଝାଯାଇଥିଲା । ଗ୍ରାମବାସୀଙ୍କ ଉପସ୍ଥିତିରେ ଝିଅର ଅଭିଭାବକ ଝିଅଟିକୁ 18 ବର୍ଷ ପୂରଣ ନହେବା ଯାଏଁ ବିବାହ କରିବେ ନାହିଁ ବୋଲି କହିଛନ୍ତି ।
ତେବେ ଯଦି, ଏଥିରେ ତ୍ରୁଟି କରିବେ ଆଇନ ଅନୁଯାୟୀ ଦଣ୍ଡିତ ହେବେ ବୋଲି ଲିଖିତ ଆକାରରେ ଜଣାଇଛନ୍ତି ନାବାଳିକାର ପରିବାର ଲୋକେ । ଝିଅର ଆବଶ୍ୟକତା ହିସାବରେ ଥଇଥାନ କରାଯିବ ବୋଲି ନିଷ୍ପତ୍ତି ହୋଇଛି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
