ପାରଳାଖେମୁଣ୍ଡି: ସାରା ରାଜ୍ୟରେ ଦରମା ବୃଦ୍ଧି କରିବା ଏବଂ ଚାକିରି ସ୍ଥାୟୀ ସହ 8ଦଫା ଦାବି ନେଇ ଆୟୁଷ ଡାକ୍ତରୀ ସଂଘ ଆନ୍ଦୋଳନକୁ ଗଜପତି ଜିଲ୍ଲା ଆୟୁଷ ଡାକ୍ତର ପକ୍ଷରୁ ସମର୍ଥନ କରାଯାଇଛି।
ଗଜପତି ଜିଲ୍ଲାରେ ଗତ 5ତାରିଖରୁ ଆୟୁଷ ଡାକ୍ତରମାନେ କଳା ବ୍ୟାଜ ପରିଧାନ କରି ନିଜର ଦାୟତ୍ବ ସଂପାଦନ କରୁଛନ୍ତି । ନିଜର ଦାବି ସଂପର୍କିତ ଏକ ସ୍ମାରକପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ ଉପଜିଲ୍ଲାପାଳଙ୍କୁ ପ୍ରଦାନ କରିଛନ୍ତି । ବର୍ତମାନ କୋରୋନା କାଳରେ ଡାକ୍ତର ମାନେ ନିଜ ଜୀବନକୁ ବାଜି ଲଗାଇ ଦାୟିତ୍ବ ସଂପାଦନ କରୁଛନ୍ତି । ଏଭଳି ସ୍ଥିତିରେ ସରକାର ଆୟୁଷ ଡାକ୍ତର ମାନଙ୍କ ଦୀର୍ଘ ଦିନର ଦାବି ହୋଇପାରୁନଥିବାରୁ ସେମାନେ ଏଭଳି ପ୍ରତିବାଦ କରୁଥିବା କହିଛନ୍ତି ।
ଯଦି ସରକରାର ଅତିଶ୍ରୀଘ୍ର ଦାବୀ ପୂରଣ ନ କରନ୍ତି ତାହେଲେ ସଂଘ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛନ୍ତି । ସେପଟେ ଡାକ୍ତର ମାନେ ଦେଇଥିବା ଦାବୀ ପତ୍ର ସରକାରଙ୍କ ନିକଟକୁ ପଠାଇଦିଆଯିବ ବୋଲି ଉପଜିଲ୍ଲାପାଳ କହିଛନ୍ତି ।
ଗଜପତିରୁ ହରିହର ପଟ୍ଟନାୟକ,ଇଟିଭି ଭାରତ
