ଗଜପତି: ନୂଆଗଡ଼ରେ ୧୮ ଦଫା ଦାବି ନେଇ ବ୍ଲକ ଓ ତହସିଲ କାର୍ଯ୍ୟାଳୟ ଘେରାଉ କଲା CPI(ML) । ଶୋଭାଯାତ୍ରାରେ ଦଳୀୟ ବ୍ଲକ ସମ୍ପାଦକ ୟାକବ କାର୍ଜୀ, ରାଜ୍ୟ କମିଟି ସଭ୍ୟ ତ୍ରିପତୀ ଗମାଙ୍ଗଙ୍କ ସମେତ ଶତାଧିକ କର୍ମୀ ସାମିଲ ।
ଗଜପତି ଜିଲ୍ଲା ନୂଆଗଡ଼ ବ୍ଲକ ସଦରମହକୁମାରେ CPI(ML) ତରଫରୁ ଆଜି(ବୁଧବାର) ଏକ ବିଶାଳ ରାଲି କରାଯାଇଛି । ଜିଲ୍ଲା ସମ୍ପାଦକ ବିଦ୍ୟାଧର ପାତ୍ରଙ୍କ ନେତୃତ୍ବରେ ୧୮ ଦଫା ଦାବିନେଇ ଏହି ଶୋଭାଯାତ୍ରା ନୂଆଗଡ଼ ମାଣିକେଶ୍ବରୀ ମନ୍ଦିର ଠାରୁ ବାହାରି ମୁଖ୍ୟ ବଜାରଦେଇ ନୂଆଗଡ଼ ବ୍ଲକ ଓ ତହସିଲ କାର୍ଯ୍ୟାଳୟ ଘେରାଉ କରାଯାଇଥିଲା ।
ତେବେ ମୁଖ୍ୟ ଦାବିଗୁଡିକ ମଧ୍ୟରେ ବ୍ଲକରେ ଶୀତଳ ଭଣ୍ଡାର, ଶୌଚାଳୟ, ସହ ଆଦିବାସୀ ମାନଙ୍କୁ ଟାଟା କମ୍ପାନୀର ଶୋଷଣ ଓ ଅଣ ଆଦିବାସୀ ମାନଙ୍କ ଜଙ୍ଗଲ ଜମିପଟା ରଦ୍ଦ ଇତ୍ୟାଦି ରହିଛି । ଏହି କାର୍ଯ୍ୟକ୍ରମରେ ଦଳର ବ୍ଲକ ସମ୍ପାଦକ ୟାକବ କାର୍ଜୀ, ରାଜ୍ୟ କମିଟି ସଭ୍ୟ ତ୍ରିପତୀ ଗମାଙ୍ଗଙ୍କ ସମେତ ଶତାଧିକ କର୍ମୀ ସାମିଲ ହୋଇଥିଲେ ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
