ପାରଳାଖେମୁଣ୍ଡି: ପୋଲିସ ଭୟରେ ଗୁରୁତର ଆହତ ବୃଦ୍ଧ । ତେବେ କୋରୋନା ଦାଉରୁ ରକ୍ଷା ପାଇଁ ଦେଶବ୍ୟାପି ଲକଡାଉନ ସଟଡାଉନ, ନାଇଟ କର୍ଫ୍ୟୁ ଲାଗୁ କରିଛନ୍ତି ସରକାର । ଏହା ସହ ପୋଲିସର କଡ଼ା ଚେକିଙ୍ଗ୍ । କିନ୍ତୁ ଏଠାରେ ପୋଲିସ ଭୟରେ ଜଣେ 60 ବର୍ଷର ବୃଦ୍ଧ ଗୁରୁତର ହୋଇଥିବା ଦେଖିବାକୁ ମିଳିଛି ।
ସୂଚନାମୁତାବକ, ପାରଳାଖେମୁଣ୍ଡି ଖଞ୍ଜା ସାହି ନିବାସୀ ପି.ଶିବ ପ୍ରସାଦ ରେଡ୍ଡୀ ନାମକ ଜଣେ ବ୍ୟକ୍ତି ସବୁଦିନ ପରି କ୍ଷୀର ବିକିବାକୁ ଯାଇଥିବା ବେଳେ ପୋଲିସ ସାଇରନ ଶୁଣି ଭୟରେ ନିକଟରେ କାମ ଚାଲିଥିବା ଏକ ନାଳରେ ପଡ଼ିଯାଇଥିଲେ । ହେଲେ ଶେଷରେ ସେହି ପୋଲିସ ହିଁ ତାଙ୍କୁ ନାଳରୁ ଉଦ୍ଧାର କରି ହସ୍ପିଟାଲ ନେଇ ଚିକିତ୍ସା କରାଇଥିଲେ । ହେଲେ ଡାକ୍ତରଙ୍କ କହିବା ମୁତାବିକ ବୃଦ୍ଧଙ୍କର ଗୋଡ଼ ଭାଙ୍ଗିଛି ଏବଂ ଏବେ ତାଙ୍କର ଅସ୍ତ୍ରୋପଚାର ହେବ ।
ତେବେ ମାତ୍ରାଧିକ ଭୟ ଓ ଅସାବଧାନତା ପାଇଁ ଗୋଡ଼ ଭାଙ୍ଗି ଯାଇଥିବା ବେଳେ ଏକ ବଡ ଦୁର୍ଘଟଣାରୁ ମଧ୍ୟ ବଞ୍ଚିଯାଇଛନ୍ତି ଏହି ୬୦ ବର୍ଷର ବୃଦ୍ଧ । ଏପଟେ ପାରଳାଖେମୁଣ୍ଡି ପୋଲିସର ଏଭଳି ସାହାଯ୍ୟକୁ ସାଧାରଣରେ ପ୍ରଶଂସା କରାଯାଇଛି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
