ପାରଳାଖେମୁଣ୍ଡି: ଟ୍ରକରୁ ୨୨ ବସ୍ତା ଗଞ୍ଜେଇ ଜବତ, ୨ ଗିରଫ । ଗଜପତି ଜିଲ୍ଲା ମୋହନା ପୋଲିସ ରାଇସିଙ୍ଗ ଛକରେ ପେଟ୍ରୋଲିଂ କରୁଥିବା ବେଳେ ଏକ ଟ୍ରକରୁ ୫ କୁଇଣ୍ଟାଲ ୭୮ କେଜି ଗଞ୍ଜେଇ ଜବତ । ୨ ଅନ୍ତଃରାଜ୍ୟ ଗଞ୍ଜେଇ ମାଫିଆଙ୍କୁ ଗିରଫ । ଗିରଫ ଅଭିଯୁକ୍ତମାନେ ହେକେ, ବିହାର ଔରାଙ୍ଗାବାଦର ରୂପେଶ କୁମାର ଯାଦବ ଓ ବିରେନ୍ଦ୍ର କୁମାର ଯାଦବ।
ଟ୍ରକରୁ ୨୨ ବସ୍ତା ଗଞ୍ଜେଇ ଜବତ, ୨ ଅନ୍ତଃରାଜ୍ୟ ଗଞ୍ଜେଇ ମାଫିଆ ଗିରଫ
ଗଜପତି ଏସ୍ପିଙ୍କ ନିର୍ଦେଶରେ ମୋହନା ଥାନା ଅଧିକାରୀ ପୋଲିସ ଟିମ ରାଇସିଙ୍ଗ ଛକରେ ପେଟ୍ରୋଲିଂ ବେଳେ ଏକ ଟ୍ରକକୁ ସନ୍ଦେହରେ ଯାଞ୍ଚ କରିଥିଲା । ଯାଞ୍ଚ ବେଳେ ଟ୍ରକରୁ ୨୨ ବସ୍ତା ଗଞ୍ଜେଇ ଜବତ ହୋଇଛି । ଯାହାର ଆନୁମାନିକ ମୂଲ୍ୟ ପ୍ରାୟ ୩୦ ଲକ୍ଷ ଟଙ୍କା ହେବ । ଅଭିଯୁକ୍ତ ଦୁହେଁ ଅଡାବା ଅଞ୍ଚଳରୁ ଗଞ୍ଜେଇ ନେଇ ବିହାର ଅଭିମୁଖେ ଚାଲାଣ କରୁଥିବା ପୋଲିସ ତଦନ୍ତରୁ ଜଣାପଡିଛି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
