ନୟାଗଡ଼: ବାରହା ଶିକାର କରି 2 ଜଣ ଗିରଫ ହୋଇଛନ୍ତି । ନୟାଗଡ ଜିଲ୍ଲା ରାଜସୁନାଖଳା ପୋଲିସ ଦୁଇ ଜଣଙ୍କୁ ରଣପୁର ବନବିଭାଗକୁ ହସ୍ତାନ୍ତର କରିଛି । ଦୁଇ ଜଣ ଜଗନ ବେହେରା(18) ଓ ବୁଲା ଜେନା(35) ବୋଲି ଜଣାପଡିଛି ।
ତେବେ ରାଜସୁନାଖଳା -ସୁରୁକାବାଡ଼ି ରାସ୍ତାରେ ରମାବିଲ ଗ୍ରାମ ନିକଟରେ ବାରହାଙ୍କୁ ଶିକାର କରାଯାଉଥିବା ସୂଚନା ପାଇ ରାଜସୁନାଖଳା ଫାଣ୍ଡି ଅଧିକାରୀ ଭୀମସେନ ମଲିକ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ । ଘଟଣାସ୍ଥଳରେ ପୋଲିସ ଆସିବା ଦେଖି ସେଠାରେ ଥିବା ଅନ୍ୟ ବ୍ୟକ୍ତିମାନେ ଦୌଡ଼ି ପଳେଇ ଯାଇଥିବା ବେଳେ 2ଜଣଙ୍କୁ ଧରିବାରେ ସକ୍ଷମ ହୋଇଥିଲା ରାଜସୁନାଖଳା ପୋଲିସ ।
ତେବେ ଉଭୟଙ୍କ ନିକଟରୁ ବାରହା ମାଂସ ସହ ବାରହା ଚମଡା ଜବତ ହୋଇଥିବା ଜଣାପଡିଛି । ଅନ୍ୟପଟେ ବନ୍ୟ ପ୍ରାଣୀ ଶିକାର ଏକ ଧର୍ତ୍ତବ୍ୟ ଅପରାଧ ହୋଇଥିବା ବେଳେ ଏଭଳି ବାରମ୍ବାର ଏହି ଅଂଚଳରେ ବନ୍ୟପ୍ରାଣୀ ଶିକାର ହେଉଥିଲେ ସକ୍ରିୟ ହେଉ ନାହିଁ ବନ ବିଭାଗ । ଯାହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
