ଢେଙ୍କାନାଳ: ଦୁର୍ଘଟଣାରେ ପ୍ରଧାନ ଶିକ୍ଷକଙ୍କ ମୃତ୍ୟୁ । ଢେଙ୍କାନାଳ ଜିଲ୍ଲା ଗଁନ୍ଦିଆ ବିଧାରପୁର ନିକଟ ଦୁର୍ଘଟଣାରେ ଗଁନ୍ଦିଆ ସରସ୍ବତୀ ଶିଶୁ ବିଦ୍ୟା ମନ୍ଦିର ପ୍ରଧାନ ଶିକ୍ଷକଙ୍କ ମୃତ୍ୟୁ ।
ଦୁର୍ଘଟଣାରେ ଚାଲିଗଲା ସରସ୍ବତୀ ଶିଶୁ ବିଦ୍ୟା ମନ୍ଦିର ପ୍ରଧାନ ଶିକ୍ଷକଙ୍କ ଜୀବନ
ସୂଚନା ଅନୁଯାୟୀ, ଶୁକ୍ରବାର ପ୍ରଧାନ ଶିକ୍ଷକ ବିଧାରପୁରରୁ ଗଦିଆରେ ରହିଥିବା ଭଡାଘରକୁ ଏକ ବାଇକ ଯୋଗେ ଫେରୁବାବେଳେ ସାପୁଆଝର ଠାରେ ଏକ ଟ୍ରକ ତାଙ୍କୁ ପଛପଟୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ପ୍ରଧାନ ଶିକ୍ଷକ ବୈଦ୍ୟନାଥ ସାହୁଙ୍କର ମୃତ୍ୟୁ ଘଟିଛି । ଖବର ପାଇ ପୋଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛନ୍ତି । ଏପଟେ ପୋଲିସ ଟ୍ରକଟିକୁ ଜବତ କରିଥିବା ବେଳେ ଟ୍ରକ ଡ୍ରାଇଭର ଫେରାର ରହିଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
