ଢେଙ୍କାନାଳ : ଗୋଟିଏ ରାତିରେ ଦୁଇଟି ଘର ଲୁଟିଲେ ଲୁଟେରା । ଢେଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ଲତାବିଲ ଗ୍ରାମରୁ ଗତ ରାତିରେ ଦୁଇ ଦୁଇଟି ଘରକୁ ଲୁଟିଛନ୍ତି ଲୁଟେରା ।
ଗୋଟିଏ ରାତିରେ ଦୁଇ ଦୁଇଟି ଘରକୁ ଲୁଟ କରିଛନ୍ତି ଲୁଟେରା । ଗତ ମଧ୍ୟରାତ୍ରୀରେ ଲକ୍ଷାଧିକ ଟଙ୍କା ସହିତ ଛଅ ଭରି ସୁନା ଅଳଙ୍କାର ଲୁଟିନେଇଛନ୍ତି । ଏପରି ଲୁଟ ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ଲତାବିଲ ଗ୍ରାମରେ । ଗ୍ରାମର ଭୋଳେଶ୍ବର ସାହୁଙ୍କ ଘରୁ ଲୁଟେରାମାନେ ଆଲମିରା ଭାଙ୍ଗି ଏକ ଲକ୍ଷ ଟଙ୍କା ସହିତ ଛଅ ଭରି ସୁନା ଲୁଟିନେଇଥିବା ଅଭିଯୋଗ କରିଛନ୍ତି ପରିବାର ଲୋକେ । ସେହିପରି ଉକ୍ତ ସାହିର ଚୁଗୁଲି ବାହାଲିଆଙ୍କ ଘରୁ ଚାଳିଶ ହଜାର ଟଙ୍କା ଓ ବହି ଗୁରୁତ୍ବପୂର୍ଣ୍ଣ କାଗଜପତ୍ର ଲୁଟିନେଇଛନ୍ତି । ଆଜି ସକାଳେ ଚୋରି କରି ନେଇଥିବା ଆଟାଚ ସହିତ ଗୁରୁତ୍ବପୂର୍ଣ୍ଣ କାଗଜପତ୍ର ପାଖ ବିଲରେ ପାଡିଥିବା ଦେଖିବାକୁ ମିଳିଛି।
ଏନେଇ ଦୁଇ ପରିବାର ଭୁବନ ଥାନାରେ ଅଭିଯୋଗ କରିବା ପରେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛନ୍ତି । ତେବେ ଲୁଟର କୌଣସି ସୁରାକ ପୁଲିସ ପାଇଁ ପାରିନାହିଁ । ଗୋଟିଏ ରାତିରେ ଏପରି ଦୁଇ ଦୁଇଟି ଲୁଟ ଘଟଣାରେ ଭୁବନ ଅଞ୍ଚଳବାସୀ ନିଜ ଧନ ସମ୍ପତ୍ତି ସୁରକ୍ଷା ନେଇ ଆଶଙ୍କାରେ ପଡି ଯାଇଛନ୍ତି ।
ଢେଙ୍କନାଳରୁ ଉର୍ମିଳା ପାତ୍ର, ଇଟିଭି ଭାରତ
