ଢେଙ୍କାନାଳ: କାମାକ୍ଷାନଗର ରାସ୍ତାର ଖଟୁଆହତା ନିକଟରେ ବାଇକକୁ ଏକ ଟାଟା ଏସି ଧକ୍କା ଦେଇଥିବା ଜଣାପଡିଛି । ବାଇକ ଆରୋହୀଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ନେବା ବେଳେ ବାଟରେ ତାଙ୍କର ମୃତ୍ୟୁ ଘଟିଛି । ମୃତକ ଜଣକ ହେଲେ ଢେଙ୍କାନାଳ ସଦର ଥାନା ଅନ୍ତର୍ଗତ ସୁଧାଡିକାଟେଣି ଗ୍ରାମର ସଞ୍ଜୟ ନାୟକ ।
ସୂଚନା ଅନୁସାରେ ସଞ୍ଜୟ ତାଙ୍କ ବାଇକ ଯୋଗେ କମାକ୍ଷାନଗର ଯାଉଥିବାବେଳେ କାମାକ୍ଷାନଗର ଆଡୁ ଢେଙ୍କାନାଳ ଆଡକୁ ଆସୁଥିବା ଏକ ଟାଟା ଏସି ଧକ୍କା ଦେଇଥିଲା । ଘଟଣାସ୍ଥଳରେ ବାଇକ ଆରୋହୀ ଅଚେତ ଅବସ୍ଥାରେ ପଡିରହିଥିଲେ । ପରେ ବାଟରେ ଯାଉଥିବା ଲୋକେ ଗୁରୁତରଙ୍କୁ ଦେଖି ତୁରନ୍ତ 108 ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ।
ଘଟଣାସ୍ଥଳରେ ସଞ୍ଜୟଙ୍କୁ ଗୁରୁତର ଅବସ୍ଥାରେ ୧୦୮ ଆମ୍ବୁଲାନ୍ସ ଯୋଗେ ଢେଙ୍କାନାଳ ମୁଖ୍ୟ ଡାକ୍ତରଖାନା ଭର୍ତ୍ତି କରାଯାଇଥିଲା । ମାତ୍ର ବାଟରେ ତାଙ୍କର ମୃତ୍ୟୁ ଘଟିଥିବା ଜଣାପଡିଛି । ଘଟଣାସ୍ଥଳରେ ଗାଡ଼ି ଛାଡି ଡ୍ରାଇଭର ଫେରାର ହୋଇଯାଇଛି । ତୁମୁସିଂହା ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟିଥିବା ଟାଟା ଏସିକୁ ଜବତ କରିଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
