ଢେଙ୍କାନାଳ: ସଦର ଥାନା ଅନ୍ତର୍ଗତ ଗୋହିରଖାଲ ନିକଟରେ ଏକ ଯାତ୍ରୀବାହୀ ବସ ବାଇକକୁ ଧକ୍କା ହେଇଛି । ବାଇକରେ ଥିବା ଦୁଇ ଜଣ ଗୁରୁତରଙ୍କୁ ଢେଙ୍କାନାଳ ମୁଖ୍ୟ ଚିକିତ୍ସାଳୟ ନେବା ବାଟରେ ସେମାନଙ୍କ ମୃତ୍ୟୁ ଘଟିଛି । ମୃତକ ଦୁଇଜଣ ହେଲେ ପ୍ରତାପ ଷଡଙ୍ଗୀ ଓ ପ୍ରୀତମ ଷଡଙ୍ଗୀ ।
ଉଭୟଙ୍କ ଘର ସାଲେପୁର ରାମକୃଷ୍ଣପୁର ଗାଁରେ ହୋଇଥିବା ଜଣାପଡିଛି । ଦୁଇ ଜଣ ବାଇକ ଯୋଗେ ଢେଙ୍କାନାଳ ସହରରେ ଜଣେ ସମ୍ପର୍କୀୟଙ୍କ ଏକାଦଶାହ ଭୋଜି ଖାଇ ଫେରୁଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଛନ୍ତି । ଆଦିଶକ୍ତି ନାମକ ଯାତ୍ରୀବାହୀ ବସ ଭାପୁରରୁ ଢେଙ୍କାନାଳ ଅଭିମୁଖେ ଆସୁଥିବା ବେଳେ ଗୋହିରାଖାଲ ଠାରେ ସେମାନଙ୍କୁ ଧକ୍କା ଦେଇଥିଲା । ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ବସକୁ ଜବତ କରିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
