ଢେଙ୍କାନାଳ: 8ଟି ଜିଲ୍ଲାର ଲୋକଙ୍କ ପାଇଁ ଢେଙ୍କାନାଳ ଆସିବା ବନ୍ଦ । ସେସବୁ ଜିଲ୍ଲାରୁ ଢେଙ୍କାନାଳ ଆସିଲେ ସେମାନଙ୍କୁ ୧୪ ଦିନ ସଙ୍ଗରୋଧ କେନ୍ଦ୍ରରେ ରହିବାକୁ ପଡବ ।
ସେହି ଜିଲ୍ଲା ଗୁଡିକ ହେଲା ଗଞ୍ଜାମ, ଗଜପତି, ଖୋର୍ଦ୍ଧା, କଟକ, ଯାଜପୁର, ବାଲେଶ୍ବର, ସୁନ୍ଦରଗଡ଼ ଓ ଅନୁଗୁଳ ଜିଲ୍ଲା । ଏ ସମସ୍ତ ଜିଲ୍ଲାରୁ ଆସୁଥିବା ଲୋକଙ୍କ ପାଇଁ ଜାରି ହୋଇଛି କଟକଣା । ଢେଙ୍କାନାଳ ଜିଲ୍ଲାପାଳ ଭୁମେଶଚନ୍ଦ୍ର ବେହେରା ଏହି କଟକଣା ଜାରି କରିଛନ୍ତି ।
ଦିନକୁ ଦିନ ରାଜ୍ୟରେ କୋରୋନାର ନୂଆ ମାମଲା ରେକର୍ଡ ଭାଙ୍ଗୁଥିବାରୁ କୋଭିଡ ସ୍ଥିତି ଏବେ ଅସମ୍ଭାଳ । ଏହାର ମୁକାବିଲା ପାଇଁ ସବୁ ଜିଲ୍ଲା ପ୍ରଶାସନ ନୂଆ ନୂଆ ପଦ୍ଧତି ଆପଣାଉଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
