ଢେଙ୍କାନାଳ: ମୁଖ୍ୟମନ୍ତ୍ରୀଙ୍କ 5T ଜରିଆରେ ପୋଷ୍ୟ ସ୍କୁଲ ଗ୍ରହଣ ଆହ୍ବାନ କ୍ରମେ ନିଜ ଗ୍ରାମ ବାଇଶିଙ୍ଗା ଉଚ୍ଚ ବିଦ୍ୟାଳୟକୁ ପୋଷ୍ୟ ଭାବେ ଗ୍ରହଣ କରିଛନ୍ତି ଭାଷା, ସାହିତ୍ୟ ଓ ସଂସ୍କୃତି ବିଭାଗର ନିର୍ଦେଶକ ରଞ୍ଜନ କୁମାର ଦାସ l ସେ ଢେଙ୍କାନାଳ ଜିଲ୍ଲା କାମାକ୍ଷାନଗର ବାଇଶିଙ୍ଗା ସ୍କୁଲକୁ ପୋଷ୍ୟ ଭାବେ ଗ୍ରହଣ କରିଛନ୍ତି ।
ଏହାସହ କର୍ମ ଭୂମି ଯାଜପୁର ଜିଲ୍ଲାର ହରିସାମନ୍ତ ଉଚ୍ଚବିଦ୍ୟାଳୟ ଏହି ଦୁଇଟି ବିଦ୍ୟାଳୟକୁ ପୋଷ୍ୟ ସ୍କୁଲ ଭାବେ ଗ୍ରହଣ କରିଛନ୍ତି । ଏହି ଅବସରରେ ଆଜି ସେ ନିଜ ଜନ୍ମଭୂମି ବାଇଶିଙ୍ଗା ଉଚ୍ଚ ବିଦ୍ୟାଳୟକୁ ପରିଦର୍ଶନରେ ଆସିଥିଲେ । ତେବେ ବିଦ୍ୟାଳୟର ଶ୍ରେଣୀଗୃହ ପରିଦର୍ଶନ କରିବା ସହ ଅଭାବ ଅସୁବିଧା ସମ୍ପର୍କରେ ସ୍କୁଲ କର୍ତ୍ତୃପକ୍ଷଙ୍କୁ ପଚାରି ବୁଝିଥିଲେ l
ଆଗାମୀ ଦିନରେ ସ୍କୁଲର ଆନୁସଙ୍ଗିକ ଉନ୍ନତି ସହ ଅନ୍ୟାନ୍ୟ ଭିତ୍ତିଭୂମିକୁ ସଜାଡି ଏହି ବିଦ୍ୟାଳୟ କିଭଳି ରାଜ୍ୟର ଏକ ପ୍ରତିଷ୍ଠିତ ବିଦ୍ୟାଳୟ ଭାବେ ସୁନାମ ଅର୍ଜନ କରିବ ସେଥିପାଇଁ ସମସ୍ତ ପ୍ରକାର ସହାୟତା ଯୋଗାଇଦେବା ପାଇଁ ପ୍ରତିଶୃତି ଦେଇଛନ୍ତି l ଏହି ଅବସରରେ ଗ୍ରାମର ବୁଦ୍ଧିଜୀବୀ , ପୂର୍ବତନ ଛାତ୍ର ଏବଂ କାମାକ୍ଷାନଗର ବ୍ଲକ ଶିକ୍ଷାଧିକାରୀ ଉପସ୍ଥିତ ଥିଲେ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
