ଢେଙ୍କାନାଳ: ରୋଷେଇ ଘରେ ନିଆଁ ଲାଗି ଗର୍ଭବତୀ ମହିଳା ଜୀବନ୍ତ ଦଗ୍ଧ । ଢେଙ୍କାନାଳ ସହର ଜୟଗୋପାଳ ସାହିରେ ଘଟିଛି ଏଭଳି ଦୁଃଖଦ ତଥା ଅଭାବନୀୟ ଘଟଣା ।
ଖବର ମୁତାବକ ଢେଙ୍କାନାଳ ସହରର ଜୟଗୋପାଳ ସାହିରେ ମୁକେଶ ଦଳେଇଙ୍କ ପତ୍ନୀ 22 ବର୍ଷୀୟ ବିଦୁଲତା ଦେହୁରୀ ଘରେ ଗ୍ୟାସରେ ରୋଷେଇ କରୁଥିବା ସମୟରେ ନିଆଁ ଲାଗିଯାଇଥିଲା । ନିଆଁରେ ଜଳି ଗର୍ଭବତୀ ମହିଳା ଜଣକ ଜୀବନ୍ତ ଦଗ୍ଧ ହୋଇଯାଇଥିଲେ । ଘଟଣାସ୍ଥଳରେ ଟାଉନ ପୋଲିସ ଓ ଫରେନ୍ସିକ ଟିମ ପହଞ୍ଚି ତଦନ୍ତ ଜାରି ରଖିଛି । ରୋଷେଇ ଘରୁ ଅର୍ଦ୍ଧଦଗ୍ଧ ଅବସ୍ଥାରେ ପୋଲିସ ମୃତଦେହକୁ ଜବତ କରିଛି । ଗତ ଡିସେମ୍ବର 2019 ରେ ମୁକେଶ ଦଳେଇଙ୍କୁ ବିବାହ କରିଥିବା ବେଳେ ସେ ପାଞ୍ଚ ମାସର ଗର୍ଭବତୀ ଥିଲେ ।
ରୋଷେଇ ଗ୍ୟାସରୁ ଲୁଗାରେ ନିଆଁ ଯୋଗୁଁ ପୋଡିହୋଇ ତାଙ୍କର ମୃତ୍ୟୁ ଘଟିଥିବା ଅନୁମାନ କରାଯାଇଛି । ଘରେ କେହି ନଥିବାବେଳେ ଏପରି ଅଘଟଣ ଘଟିଥିବା ମୃତ ମହିଳାଙ୍କ ସ୍ୱାମୀ ପ୍ରକାଶ କରୁଛନ୍ତି । ତେବେ ଘଟଣା ସ୍ଥଳକୁ ଟାଉନ ପୋଲିସ ଓ ଏସଡ଼ିପିଓ ପ୍ରମୁଖ ଆସି ତଦନ୍ତ ଜାରି ରଖିଛନ୍ତି ।
ଢେଙ୍କାନାଲରୁ ଉର୍ମିଳା ପାତ୍ର, ଇଟିଭି ଭାରତ
