ଢେଙ୍କାନାଳ: ମଙ୍ଗଳବାର ଠାରୁ ମାଟ୍ରିକ ଖାତା ଦେଖା ଆରମ୍ଭ ହୋଇଛି । ଢେଙ୍କାନାଳ ଜିଲ୍ଲାର ଖାତାଦେଖା ସେଣ୍ଟର ସହର ସ୍ଥିତ ବ୍ରଜନାଥ ବଡ଼ଜେନା ହାଇସ୍କୁଲରେ ହୋଇଛି । ସୋମବାରଠାରୁ ଏହି କେନ୍ଦ୍ରକୁ ସାନିଟାଇଜ କରାଯାଇଥିବା ବେଳେ ସାମାଜିକ ଦୂରତା ମଧ୍ୟରେ ଶିକ୍ଷକମାନେ ଏହି ଖାତା ଦେଖାରେ ନିୟୋଜିତ ହୋଇଛନ୍ତି ।
ମଙ୍ଗଳବାର ଗଣିତ, ଇଂରାଜୀ, ଇତିହାସ ଓ ଭୂଗୋଳ ବିଷୟର ଖାତା ଦେଖା ହୋଇଛି । ଏହି ସେଣ୍ଟରକୁ 8ଟି ୟୁନିଟରେ ବିଭକ୍ତ କରାଯାଇ ସାମାଜିକ ଦୂରତା ମଧ୍ୟରେ 200 ଶହ ଶିକ୍ଷକ ଶିକ୍ଷୟିତ୍ରୀ ମାନଙ୍କ ପାଇଁ ଖାତା ଦେଖିବାର ବ୍ୟବସ୍ଥା କରାଯାଇଛି ।
ମାଟ୍ରିକ ଖାତା ଦେଖା ଆରମ୍ଭ, ଢେଙ୍କାନାଳରେ ଖାତା ଦେଖିଲେ 100 ଶିକ୍ଷକ ଶିକ୍ଷୟିତ୍ରୀ
ତେବେ ପ୍ରଥମ ଦିନରେ 100 ଜଣ ଶିକ୍ଷକ ଶିକ୍ଷୟିତ୍ରୀ ଏହି ଖାତା ଦେଖିବା କାର୍ଯ୍ୟରେ ଯୋଗ ଦେଇଥିବା ଜଣାପଡିଛି । ସକାଳ 10ଟାରୁ ଅପରାହ୍ନ 3ଟା ଯାଏଁ ଏହି ଖାତା ଦେଖା ପ୍ରକ୍ରିୟା ଚାଲିଥିଲା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
