ଢେଙ୍କାନାଳ: ପରଜଙ୍ଗ ଅଁଳାକଟା ଗ୍ରାମରେ ଜଳ ବିଭାଗ ପ୍ରକଳ୍ପ ବସୁଧା ସ୍କିମରେ ନିମ୍ନମାନର କାର୍ଯ୍ୟକୁ ନେଇ ଗ୍ରାମବାସୀ ଜିଲ୍ଲାପାଳଙ୍କୁ ଅଭିଯୋଗ କରିଛନ୍ତି । ଏଥିରେ ନିମ୍ନମାନର କାମ ମନ୍ଥର ଗତିରେ ଚାଲିଥିବାରୁ ଗ୍ରାମବାସୀ ନାନା ଅସୁବିଧାର ସମୁଖୀନ ହେଉଛନ୍ତି। ଏହି କାମ ପାଇଁ ଗ୍ରାମବାସୀଙ୍କ ଠାରୁ ଘର ପିଛା ଦୁଇ ହଜାର ଟଙ୍କା ଦାବିକରୁଛି ଠିକାଦାର। ନଚେତ ପାଇପଲାଇନ ନ ଦେବାକୁ ଧମକ ଦେଉଛି ଗ୍ରାମବାସୀଙ୍କୁ ।
ବସୁଧା ସ୍କିମରେ ନିମ୍ନମାନର କାମ
ଏପଟେ ପାଇପଲାଇନ ପାଇଁ ବିଭିନ୍ନ ସ୍ଥାନରେ ରାସ୍ତା ଖୋଳିହୋଇ ମନ୍ଥର ଗତିରେ କାମ ହେଉଥିବାରୁ ଲୋକମାନେ ଯାତାୟତ ପାଇ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ବାରମ୍ବାର ଅଭିଯୋଗ ସତ୍ତ୍ବେ କେହି ନ ଶୁଣିବାରୁ ବାଧ୍ୟହୋଇ ଆଜି ଅଁଳାକଟା ଗ୍ରାମବାସୀମାନେ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି। ଏହି ଘଟଣାର ତଦାରଖ କରି ଦୋଷୀ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ଗ୍ରାମବାସୀ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
