ଢେଙ୍କାନାଳ: ଜିଲ୍ଲାରେ ମାତିଲେ ଲୁଟେରା ଗ୍ୟାଙ୍ଗ । କଲେଜ ବାଏପାସ ଅଞ୍ଚଳରୁ କଲେ ସିରିଜ ଲୁଟ । ଏକକାଳୀନ ୫ଟି ଦୋକାନ ତାଲା ଭାଙ୍ଗି ଟଙ୍କା ଓ ଲକ୍ଷାଧିକ ଟଙ୍କାର ମୋବାଇଲ ସାମଗ୍ରୀ, ସ୍ନାକ୍ସ, ରେଷ୍ଟୁରାଣ୍ଟ ସାମଗ୍ରୀ ଆଦି ଲୁଟି ନେଇଛନ୍ତି ଲୁଟେରା । ଘଟଣା ସମ୍ପର୍କରେ ଖବର ପାଇବା ପରେ ଟାଉନ ଥାନା ପୋଲିସ ତଦନ୍ତ ଆରମ୍ଭ କରିଛି ।
ଲୁଟେରାମାନେ ପୋଲିସକୁ ଚ୍ୟାଲେଞ୍ଜ ଦେଇ କରିଛନ୍ତି ସିରିଜ ଲୁଟ । ଢେଙ୍କାନାଳ ସହରର କଲେଜ ବାଇପାସ ଛକରୁ ଗତ ରାତିରେ ଏକକାଳୀନ ୫ଟି ଦୋକାନରୁ ଲୁଟ ହୋଇଛି । ସମାନ ଢଙ୍ଗରେ ଦୋକାନ ଗୁଡି଼କର ତାଲା ଭାଙ୍ଗି ଲୁଟେରା ମାନେ ଟଙ୍କା ସହ ପ୍ରାୟ ସମସ୍ତ ସାମଗ୍ରୀ ଲୁଟି କଳାକାନା ବୁଲାଇଛନ୍ତି ।
ବାଏ ପାସ ଛକରେ ଥିବା ମନୀଷ ମହାନ୍ତିଙ୍କ ରେଷ୍ଟୁରାଣ୍ଟ, ଫଳ ଦୋକାନ, ରଞ୍ଜନ ସ୍ବାଇଁଙ୍କ ମୋବାଇଲ ସାମଗ୍ରୀ ଦୋକାନ, କବି ଚନ୍ଦ୍ର ଖଟୁଆଙ୍କ ସ୍ନାକ୍ସ ଓ ଭେରାଇଟି ଷ୍ଟୋର ଦୋକାନ, ରୂପେଶ ପଟ୍ଟନାୟକଙ୍କ ଚିକେନ୍ କାଉଣ୍ଟର ଆଦି କ୍ୟାସରେ ଥିବା ଟଙ୍କା ଓ ବିଭିନ୍ନ ଦୋକାନ ସାମଗ୍ରୀ ଆଦି ପ୍ରାୟ ୨୦ହଜାର ଟଙ୍କା ଓ ଲକ୍ଷାଧିକ ଟଙ୍କାର ସାମଗ୍ରୀ ଲୁଟି ନେଇଛନ୍ତି ଲୁଟେରା । ତେବେ ବହୁ ବିଳମ୍ବରେ ଟାଉନ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଇଟିଭି ଭାରତ, ଢେଙ୍କାନାଳ
