ଢେଙ୍କାନାଳ: ଜିଲ୍ଲା ଗଁନ୍ଦିଆ ସ୍ଥିତ ଏକ ବିଦେଶୀ ମଦ ଦୋକାନରୁ ଶନିବାର ବିଳମ୍ବିତ ରାତ୍ରିରେ ଲୁଟ ହୋଇଛି । ଲୁଟେରାମାନେ ଲକ୍ଷାଧିକ ଟଙ୍କାର ବିଦେଶୀ ମଦକୁ ନେଇଯାଇଥିବା ବେଳେ ପୋଲିସ ଅଧିକ ତଦନ୍ତ ଜାରି ରଖିଛି ।
ବିଦେଶୀ ମଦ ଦୋକାନରୁ ମଦ ସହ 15 ହଜାର ଟଙ୍କା ଲୁଟ
ଲୁଟେରାମାନେ ଗଁନ୍ଦିଆ ସ୍ଥିତ ଏକ ବିଦେଶୀ ମଦ ଦୋକାନର ସର୍ଟର ତାଲା ତାଡି ଦୋକାନ ଭିତରକୁ ପଶିଥିଲେ । ଦୋକାନ ଭିତରୁ ପ୍ରାୟ ଲକ୍ଷାଧିକ ଟଙ୍କାର ବିଦେଶୀ ମଦ ଲୁଟିନେଇଥିବା ଅଭିଯୋଗ ହୋଇଛି । ଅନ୍ୟପଟେ ଦୋକାନରେ ଥିବା 15 ହଜାର ଟଙ୍କା ନେଇ ଯାଇଥିବା ବେଳେ କ୍ୟାଶ ଡ୍ରୟରକୁ ବାହାରେ ଫୋପାଡ଼ି ଦେଇଛନ୍ତି । ଖବର ପାଇ ଗଁନ୍ଦିଆ ପୋଲିସ ତଦନ୍ତ ଆରମ୍ଭ କରିଛି । ଢେଙ୍କାନାଳ ଏସଡ଼ିପିଓ ଓ ପୋଲିସ ଫରେନସିକ ଟିମ ସହ ଅନୁସନ୍ଧାନୀ କୁକୁର ସହାୟତାରେ ପୋଲିସ ତଦନ୍ତ କରୁଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
