ଢେଙ୍କାନାଳ: ବିଦେଶୀ ମଦ ଦୋକାନରୁ ମଦ ଚୋରି କଲେ ଦୁର୍ବୃତ୍ତ । ଢେଙ୍କାନାଳ ଜିଲ୍ଲା ଭୁବନ ବିଜ୍ଞାପିତ ଅଞ୍ଚଳ ପରିଷଦ ଓ୍ବାର୍ଡ ନଂ-୨ ରେ ଥିବା ବିଦେଶୀ ଠିପି ବନ୍ଦ ମଦ ଦୋକାନରୁ ଏହି ଚୋରି ହୋଇଛି । ଦୋକାନର ସଟର ଭାଙ୍ଗି ମଦ ଚୋରି କରିଛନ୍ତି ଦୁର୍ବୃତ୍ତ।
ବିଦେଶୀ ମଦ ଦୋକାନରୁ ମଦ ଚୋରି
ଭୁବନ ବିଜ୍ଞାପିତ ଅଞ୍ଚଳ ପରିଷଦର ପ୍ରତାପ ଚନ୍ଦ୍ର ରାଉତଙ୍କ ମଦ ଦୋକାନରୁ ମଦ, ଟଙ୍କା, ଲ୍ୟାପଟପ ଚୋରି ହୋଇଥିବା ଜଣାପଡିଛି । ତେବେ ଏହି ଚୋରି କାର୍ଯ୍ୟରେ ବ୍ୟବହୃତ ହୋଇଥିବା ଇଣ୍ଡିଗୋ ଗାଡିଟି ମଦ ଦୋକାନ ସମ୍ମୁଖରେ ଥିବା ନାଳରେ ଫସି ଯାଇଥିଲା । ଯାହାଫଳରେ ଚୋରମାନେ ଗାଡି ଛାଡି ଚାଲିଯାଇଛନ୍ତି । ଏନେଇ ମଦ ଦୋକାନର କର୍ମଚାରୀ ହୃଷିକେଶ ଦାଶ ଭୁବନ ଥାନାରେ ଅଭିଯୋଗ କରିଥିଲେ ।
ଅଭିଯୋଗ ପରେ ଭୁବନ ପୋଲିସ ଘଟଣାସ୍ଥଳରେ ପହଞ୍ଚି ମଦ ସହ କାର ଜବତ କରିବା ସହ ତଦନ୍ତ ଆରମ୍ଭ କରିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
