ରାୟଗଡ଼ାରେ ଗ୍ୟାସ ଟାଙ୍କି ବିସ୍ଫୋରଣ: ୩ ଗୁରୁତର, ଜଣଙ୍କୁ ବିଶାଖପାଟଣା ସ୍ଥାନାନ୍ତର

ଗ୍ୟାସ ଟାଙ୍କି ଫାଟି ୩ ଗୁରୁତର । ରାୟଗଡ଼ା ସହର ରାଣୀଗୁଡା ଫାର୍ମ ନିକଟରେ ଅଘଟଣ । ୩ ଗୁରୁତର, ଜଣଙ୍କ ଅବସ୍ଥା ସଙ୍କଟାପନ୍ନ ବିଶାଖପାଟଣା ସ୍ଥାନାନ୍ତର କରାଯାଇଛି ।

ରାୟଗଡ଼ା: ଗ୍ୟାସ ଟାଙ୍କି ଫାଟି ୩ ଗୁରୁତର । ରାୟଗଡ଼ା ସହରର ହାତୀପଥର ରୋଡ୍ ରାଣୀଗୁଡା ଫାର୍ମ ନିକଟରେ ଏଭଳି ଅଘଟଣ ଘଟିଛି । ତେବେ ଆହତ ୩ ଜଣ ହେଲେ ଡି.ଶିବା, ଧର୍ମା ମିଣିଆକା ଓ ଦିନ ମିଣିଆକା । ସମସ୍ତଙ୍କୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲେ ଭର୍ତ୍ତି କରାଯାଇଥିଲା । ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ବିଶାଖାପାଟଣାକୁ ସ୍ଥାନାନ୍ତରିତ କରାଯାଇଛି ।

ସୂଚନା ଯୋଗ୍ୟ, ଆୟାପ୍ପା ଦୀକ୍ଷା ନେଇଥିବା ତିନି ଜଣ ଶ୍ରଦ୍ଧାଳୁ ରାୟଗଡ଼ା ସହରର ହାତୀପଥର ରୋଡ ରାଣୀଗୁଡା ଫାର୍ମ ନିକଟରେ ଏକ ଭଡା ଘରେ ରହୁଥିଲେ । ହେଲେ କୌଣସି କାରଣରୁ ଗ୍ୟାସ ଲିକ୍ ଥିବାରୁ ଗ୍ୟାସ ଅନ କରିବା ମାତ୍ରେ ନିଆଁ ଲାଗି ବିସ୍ପୋରଣ ହୋଇଥିଲା । ତେବେ ଘର କବାଟ ବନ୍ଦ ରହିଥିବା ଯୋଗୁଁ ସମସ୍ତେ ଗଭୀର ଆଘାତ ହୋଇଛନ୍ତି । ସ୍ଥାନୀୟ ଲୋକେ ଏବଂ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ କରିଥିବା ବେଳେ ୩ ଜଣକୁ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ବିଶାଖାପାଟଣାକୁ ସ୍ଥାନାନ୍ତରିତ କରାଯାଇଛି ।

ଇଟିଭି ଭାରତ,ରାୟଗଡ଼ା