ଢେଙ୍କାନାଳ: ଉତ୍ତ୍ୟକ୍ତ ଗ୍ରାମବାସୀଙ୍କ ଥାନା ଘେରାଉ । ଅଭିଯୁକ୍ତକୁ ଗିରଫ ପ୍ରତିବାଦରେ ସୋମବାର ଢେଙ୍କାନାଳ ଜିଲ୍ଲା ତୁମୁସିଂହା ଥାନାକୁ ଘେରାଉ କଲେ ଗ୍ରାମବାସୀ ।
ଉତ୍ୟକ୍ତ ଗ୍ରାମବାସୀଙ୍କ ଥାନା ଘେରାଉ
ସୂଚନା ଅନୁଯାୟୀ, ଢେଙ୍କାନାଳ ଜିଲ୍ଲା କାମାକ୍ଷାନଗର ଉପଖଣ୍ଡର ଖୁଣ୍ଟବାଟି ଗ୍ରାମଦେଇ ବିଛା ଯାଉଥିବା ପାଇପ ଲାଇନ କାମକୁ ନେଇ ବିବାଦ ବଢୁଛି । ଏପରିକି ଏହି କାର୍ଯ୍ୟ କରୁଥିବା ଗେଲ ଇଣ୍ଡିଆର ଦୁଇ ଠିକା କର୍ମଚାରୀଙ୍କୁ ଆକ୍ରମଣ ମଧ୍ୟ ହୋଇଛି ।
ପୋଲିସ ଏହି ମାମଲାରେ ଉକ୍ତ ଗ୍ରାମର ଜଣେ ଯୁବକକୁ ରାତିରେ ଗିରଫ କରିଥିବାବେଳେ ଗ୍ରାମବାସୀ ଏହାକୁ ବିରୋଧ କରିଛନ୍ତି । ଗିରଫ ଯୁବକଙ୍କୁ ତୁରନ୍ତ ଛଡାଯାଉ ଦାବି କରି ଗ୍ରାମବାସୀ ତୁମୁସିଂହା ଥାନା ଘେରାଉ କରିଛନ୍ତି ।
ଏପଟେ ଶତାଧିକ ଗ୍ରାମବାସୀଙ୍କ ଥାନା ଘେରାଉକୁ ନେଇ ଘଟଣାସ୍ଥଳରେ ତୁମୁସିଙ୍ଗା ଥାନା ଅଧିକାରୀ, କାମାକ୍ଷାନଗର ଥାନା ଅଧିକାରୀ, ପରଜଙ୍ଗ ଥାନା ଅଧିକାରୀ ଓ କାମାକ୍ଷାନଗର ଏସଡିପିଓ ସହ ବ୍ୟାପକ ପୋଲିସ ମୁତୟନ ହୋଇଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
