ଢେଙ୍କାନାଳ: ଚୋରା ମାଙ୍କଡା ପଥର ବୋଝେଇ ୩ଟି ଗାଡି ଜବତ କରିଛି କାମାକ୍ଷାନଗର ବନ ବିଭାଗ । ଢେଙ୍କାନାଳ ଜିଲ୍ଲା କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ କଦଳୀପାଳ ଗ୍ରାମ ନିକଟରୁ ଏହି ଗାଡିକୁ ଜବତ କରିଛି ବନ ବିଭାଗ ।
ଚୋରା ମାଙ୍କଡାପଥର ବୋଝେଇ ୩ଟି ଗାଡି ଜବତ କଲା ବନ ବିଭାଗ
ରବିବାର ବନବିଭାଗର ଏକ ଟିମ ପାଟ୍ରୋଲିଂ କରୁଥିବା ସମୟରେ ଗୋଟିଏ ଟ୍ରକ ଓ ଦୁଇଟି ଟ୍ରାକ୍ଟରକୁ ଜବତ କରାଯାଇଥିଲା । ଏହି ଚୋରା ମାଙ୍କଡାପଥର ଗୁଡିକ ବିକ୍ରି ଉଦ୍ଦେଶ୍ୟରେ ନେଉଥିବାବେଳେ ତୁମୁସିଙ୍ଗା, କଦଳୀପାଳ ପୂର୍ତ୍ତ ବିଭାଗ ରାସ୍ତାର କଦଳିପାଳ ଗ୍ରାମ ନିକଟରୁ ଗାଡି ଗୁଡିକ ଜବତ କରିଥିଲା ।
ଦୀର୍ଘଦିନରୁ ଏହି ଅଞ୍ଚଳରେ ପଥର ଚୋରା ଚାଲାଣ ହେଉଥିବା ନେଇ ଅଭିଯୋଗ ହେଉଥିଲା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
