ଢେଙ୍କାନାଳ: ଚୋରା କାଠ ଜବତ, ଜଣେ ଗିରଫ । ଢେଙ୍କାନାଲ ଜିଲ୍ଲା ଭାଲିଆପାଟ ଗ୍ରାମରେ ବନ ବିଭାଗର ଚଢ଼ାଉ କରି ୨ ଲକ୍ଷରୁ ଉର୍ଦ୍ଧ୍ବ ଟଙ୍କାର ଚୋରା କାଠ ଜବତ ଓ ଜଣେ ଗିରଫ କରାଯାଇଛି ।
୨ ଲକ୍ଷରୁ ଉର୍ଦ୍ଧ୍ବ ଟଙ୍କାର ଚୋରା କାଠ ଜବତ , ଜଣେ ଗିରଫ
ବିଶେଷ ସୂତ୍ରରୁ ଖବର ପାଇ ଢେଙ୍କାନାଳ ବନଖଣ୍ଡ ଅଧିକାରୀଙ୍କ ନିର୍ଦ୍ଦେଶରେ ଗଁନ୍ଦିଆ ଥାନା ଅନ୍ତର୍ଗତ ଭାଲିଆପାଟ ଗ୍ରାମରେ ବନବିଭାଗ ଚଢ଼ାଉ କରିଥିଲା । ଉକ୍ତ ଗ୍ରାମର ମଳୟ ପାତ୍ରଙ୍କ ଘରେ ଏହି ଚଢ଼ାଉ କରାଯାଇଥିଲା । ଚଢ଼ାଉରେ ତାଙ୍କ ଘରୁ ଶାଳ ଓ ସାଗୁଆନ ଆଦି ଶହେରୁ ଉର୍ଧ୍ଵ ଚୋରା ସାଇଜ କାଠ ଜବତ କରାଯାଇଛି । ଜବତ କାଠର ମୂଲ୍ୟ ୨ଲକ୍ଷ ଟଙ୍କାରୁ ଉର୍ଧ୍ଵ ହେବ । ଏହି କାଠ ଚୋରା ଚାଲାଣ କରୁଥିବା ମଳୟ ପାତ୍ରଙ୍କୁ ବନବିଭାଗ ପକ୍ଷରୁ ଗିରଫ କରାଯାଇଛି ।
ଢେଙ୍କାନାଳରୁ ଉର୍ମିଳା ପାତ୍ର,ଇଟିଭି ଭାରତ
