ଢେଙ୍କାନାଳ: ରବିବାର କମାକ୍ଷାନଗର ଉପଖଣ୍ଡର ମୁକ୍ତାପଶି ଛକରେ ଘଟିଥିବା ସଡକ ଦୁର୍ଘଟଣାରେ ପାଞ୍ଚ ଜଣଙ୍କର ମୃତ୍ୟୁ ହୋଇଥିଲା । ଏହି ଦୁର୍ଘଟଣା ପରେ ଏବେ କାନ୍ଦ ବୋବାଳିରେ ଫାଟି ପଡୁଛି ବାଙ୍ଗୁରା ଗ୍ରାମ । ଦୁଃଖରେ ମ୍ରିୟମାଣ ହୋଇ ହୋଇ କାନ୍ଦି କାନ୍ଦି ମାଟିରେ ଲୋଟି ପଡୁଛନ୍ତି ବନ୍ଧୁ ଓ ପରିବାର ସଦସ୍ୟ । ସ୍ବାମୀକୁ ହରାଇ କାନ୍ଦୁଛି ସ୍ତ୍ରୀ ଆଉ ପୁଅକୁ ହରାଇ ଛାତି ବାଡେଇ ବାହୁନି ବାହୁନି କାନ୍ଦୁଛି ମାଆ । ଏ ଦୃଶ୍ୟ ଯେତିକି ହୃଦୟ ବିଦାରକ ସେତିକି ଦୁଃଖଦାୟକ ମଧ୍ୟ ।
ରବିବାର ସକାଳ ସମୟରେ ମୁକ୍ତାପଶି ଗ୍ରାମକୁ ମହୁଲ ପେଶାଇବାକୁ ଏକ ଅଟୋ ଯୋଗେ ବାଙ୍ଗୁରା ଗ୍ରାମରୁ ବାହାରିଥିଲେ । ଏହାପରେ NH ୫୩ ମୁକ୍ତାପଶି ଗ୍ରାମ ନିକଟରେ ତାଳଚେରରୁ ଆସୁଥିବା ଏଜ କୋଇଲା ବୋଝେଇ ଟ୍ରକ ଅଟୋକୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ୫ଜଣଙ୍କର ମୃତ୍ୟୁ ହୋଇଥିଲା । ଏହି ଖବର ପାଇବା ପରେ ମୃତକଙ୍କ ପରିବାରରେ ଖେଳିଯାଇଥିବା ଶୋକର ଛାୟା । ସଡକ ଦୁର୍ଘଟଣାରେ ଗୋଟିଏ ପରିବାରର ବାପ ପୁଅ ସମେତ ପାଞ୍ଚ ପାଞ୍ଚଟି ଜୀବନ ଚାଲିଯାଇଥିବା ବେଳେ ଏବେ ସମ୍ପୂର୍ଣ୍ଣ ମର୍ମାହାତ ହୋଇପଡିଛନ୍ତି ବାଙ୍ଗୁରା ଗ୍ରାମବାସୀ । ଶେଷରେ ବାଙ୍ଗୁରା ଗ୍ରାମ ଶ୍ମଶାନରେ ଏକା ସାଙ୍ଗରେ ଜଲିଥିଲା ପାଞ୍ଚଟି ଜୁଇ ।
ଏହା ମଧ୍ୟ ପଢନ୍ତୁ-କୋଇଲା ଟ୍ରକ ଧକ୍କାରେ ଚାଲିଗଲା 5 ଜୀବନ, ଅନୁକମ୍ପା ରାଶି ଘୋଷଣା କଲେ ମୁଖ୍ୟମନ୍ତ୍ରୀ
ଏହି ଘଟଣା ଜାଣିବାପରେ କାମାକ୍ଷାନଗର ବିଧାୟକ ତଥା ରାଜ୍ୟ ପୂର୍ତ୍ତ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ ଦୁର୍ଘଟଣା ସ୍ଥଳକୁ ଯାଇ ଗଭୀର ଦୁଃଖ ପ୍ରକାଶ କରିବା ସହ ମୃତକ ପରିବାରଙ୍କୁ ସମବେଦନା ଜଣାଇଥିଲେ । ଅପରପକ୍ଷରେ ରାଜ୍ୟ ସରକାରଙ୍କ ପକ୍ଷରୁ ପ୍ରତ୍ୟେକ ପରିବାରକୁ ମୁଖ୍ୟମନ୍ତ୍ରୀ ୧ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ ପାଇଁ ଘୋଷଣା କରିଥିବା ମନ୍ତ୍ରୀ ପ୍ରକାଶ କରିଥିଲେ ।
ଦୁର୍ଘଟଣା ଘଟାଇଥିବା କୋଇଲା ଟ୍ରକକୁ ପୋଲିସ ଜବତ କରିବା ସହ ଟ୍ରକ ଡ୍ରାଇଭର ଫେରାର ହୋଇଯାଇଥିବା ଜଣାପଡିଛି। ବର୍ତ୍ତମାନ ତଦନ୍ତ ଜାରି ରହିଥିବା ବେଳେ ଟ୍ରକ ଡ୍ରାଇଭରକୁ ଖୋଜୁଛି ପୋଲିସ ।
