ଢେଙ୍କାନାଳ: ଜିଲ୍ଲା ସ୍ଥିତ ସ୍ବୟଂ ଶାସିତ ମହାବିଦ୍ୟାଳୟ ମହିଳା ହଷ୍ଟେଲ ପାଖ ଚାରଖୋଲା ଜଙ୍ଗଲରେ ଭୟଙ୍କର ଅଗ୍ନିକାଣ୍ଡ । ଅଳ୍ପକେ ବର୍ତ୍ତିଲେ ହଷ୍ଟେଲ ଛାତ୍ରୀ । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିବା ସୂଚନା ।
ଢେଙ୍କାନାଳ କଲେଜ ପାଖ ଜଙ୍ଗଲରେ ନିଆଁ, ଅଳ୍ପକେ ବର୍ତ୍ତିଲେ ଅନ୍ତେବାସୀ ଢେଙ୍କାନାଳ ସହରର ଚାରଖୋଲା ଜଙ୍ଗଲରେ ଲାଗିଛି ଭୟଙ୍କର ନିଆଁ । ଏହି ନିଆଁ କ୍ରମଶଃ ବ୍ୟାପିବାରେ ଲାଗିଛି । ଏପରିକି ନିଆଁ ମାଡି ମାଡି ପାଖରେ ଥିବା ସ୍ୱୟଂ ଶାସିତ ମହାବିଦ୍ୟାଳୟରେ ବ୍ୟାପିଥିବା ଜଣାପଡିଛି । ଫଳରେ ଏହି ମହିଳା ହଷ୍ଟେଲର ଛାତ୍ରୀମାନେ ଆତଙ୍କିତ ହୋଇପଡିଥିଲେ । ଏନେଇ କଲେଜ ଅଧ୍ୟକ୍ଷା ଡ଼ ରଶ୍ମି ମିଶ୍ର ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଢେଙ୍କାନାଳ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
