ଢେଙ୍କାନାଳ: ବିପୁଳ ପରିମାଣର ଦେଶୀ ମଦ ଓ ସାମଗ୍ରୀ ଜବତ । ଢେଙ୍କାନାଳ ସଦର ଥାନା ପଦ୍ମନାଭପୁର ଅଞ୍ଚଳରେ ଅବକାରୀ ବିଭାଗର ଚଢ଼ାଉ କରି ବିପୁଳ ପରିମାଣର ଦେଶୀ ମଦ ଓ ସାମଗ୍ରୀ ଜବତ ।
ଲକଡାଉନରେ ବିଦେଶୀ ମଦ ଦୋକାନ ବନ୍ଦର ସୁଯୋଗ ନେଇ ଦେଶୀ ମଦ କାରବାର ବୃଦ୍ଧି ଘଟିବାର ଲାଗିଛି । ଏପରିସ୍ଥଳେ ଅବକାରୀ ବିଭାଗ ପକ୍ଷରୁ ବାରମ୍ବାର ଚଢ଼ାଉ ଜାରି ରହିଛି । ବିଶେଷ ସୂତ୍ରରୁ ଖବର ପାଇ ଢେଙ୍କାନାଳ ଅବକାରୀ ବିଭାଗର ସ୍ବତନ୍ତ୍ର ସ୍କ୍ବାର୍ଡ ଓ କଟକ ଅବକାରୀ ସ୍କ୍ବାର୍ଡ ମିଳିତ ଭାବେ ଚଢ଼ାଉ କରାଯାଇଛି । ଆଠଗଡ ଥାନା ଅନ୍ତର୍ଗତ କୋରଙ୍ଗା ଓ ବାସୁଦେବପୁର ଢେଙ୍କାନାଳ ସଦର ଥାନା ଅନ୍ତର୍ଗତ ପଦ୍ମନାଭପୁର,ପାମାଳ ଓ ଜେନାସାହୁପଟଣାରେ ଏହି ଚଢ଼ାଉ କରାଯାଇଥିଲା । ଏହି ଅଞ୍ଚଳରେ ଦେଶୀ ମଦ ପ୍ରସ୍ତୁତି କରୁଥିବାବେଳେ ଢେଙ୍କାନାଳ ଅବକାରୀ ଇନ୍ସପେକ୍ଟର ସମୀର ମହାନ୍ତିଙ୍କ ନେତୃତ୍ବରେ ଏହି ଚଢ଼ାଉ କରାଯାଇଥିଲା ।
ତେବେ ମଦ ତିଆରି କରୁଥିବା ଲୋକମାନେ ପଳାଇଯାଇଥିଲେ । ଘଟଣାସ୍ଥଳରୁ ୧୧ ଶହ ଲିଟର ଦେଶୀ ମଦ ,୪୨ହଜାର ଲିଟର ମହୁଲ ପୋଚ ଆଦି ଜବତ କରାଯାଇଛି । ଏହାକୁ ପୋତି ଦିଆଯାଇଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର,ଇଟିଭି ଭାରତ
