ଢେଙ୍କାନାଳ: ଢେଙ୍କାନାଳ ଜିଲ୍ଲା କପିଳାସ ଅଭୟାରଣ୍ୟରୁ ଏକ ହାତୀର ମୃତଦେହ ଠାବ କରାଯାଇଛି । ମୃତ ହାତୀଟି ଏକ ଦନ୍ତା ହାତୀ ଓ ବୟସ ପ୍ରାୟ ୪୦ବର୍ଷ ହେବ ବୋଲି ଅନୁମାନ କରାଯାଉଛି । ହାତୀଟି କପିଳାସ ଅଭୟାରଣ୍ୟର ୨୪ନମ୍ବର କମ୍ପଟମେଣ୍ଟ ଅଞ୍ଚଳ ଅର୍ଥାତ ଷଢଙ୍ଗୀ ବନାଞ୍ଚଳରୁ ଠାବ କରାଯାଇଛି ।
ବନ କର୍ମଚାରୀମାନେ ମୃତଦେହ ଜବତ କରିଛନ୍ତି । ତେବେ ହାତୀଟିର ଦାନ୍ତ ଦୁଇଟି ସୁରକ୍ଷିତ ରହିଥିବା ଜଣାପଡିଛି । ତେବେ ହାତୀର ମୃତ୍ୟୁ କିପରି ହେଲା ସଠିକ କାରଣ ଜଣାପଡିନାହିଁ । ମାତ୍ର ଗତ ୭ରୁ ୮ଦିନ ହେଲା ହାତୀଟି ମରିପଡିଥିବା ଜଣାପଡିଛି । ବନ ବିଭାଗ ପକ୍ଷରୁ ମୃତଦେହ ବ୍ୟବଛେଦ କରାଯାଇ ତଦନ୍ତ ଜାରି ରହିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
