ପରୀକୁ ନ୍ୟାୟ ଦାବିରେ ବିଜେପିର ପଦଯାତ୍ରା

କୁନି ଝିଅ ପରୀ ମୃତ୍ୟୁକୁ ନେଇ ସାରା ରାଜ୍ୟରେ ଆଲୋଡ଼ନ ସୃଷ୍ଟି ହୋଇଥିବା ବେଳେ ବିଜେପି ପକ୍ଷରୁ ସାରା ରାଜ୍ୟରେ ପଦଯାତ୍ରା କରାଯାଉଛି। ଅଧିକ ପଢନ୍ତୁ..

ଢେଙ୍କାନାଳ: ପରୀକୁ ନ୍ୟାୟ ଦେବା ଓ ସିବିଆଇ ତଦନ୍ତ ଦାବିରେ ଢେଙ୍କାନାଳ ପରଜଙ୍ଗ ବିଜେପି ପକ୍ଷରୁ ପଦଯାତ୍ରା । ସ୍ଥାନୀୟ ହାତୀଲୁଚାଣି ଛକ ଠାରୁ ଏକ ପଦଯାତ୍ରା ବାହାରି ପରଜଙ୍ଗ ବଜାର ଦେଇ ବାରିହାପୁର ଠାରେ ଶେଷ ହୋଇଛି l

ନୟାଗଡ ଯଦୁପୁର ଗ୍ରାମର କୁନି ଝିଅ ପରୀ ମୃତ୍ୟୁକୁ ନେଇ ସାରା ରାଜ୍ୟରେ ଆଲୋଡ଼ନ ସୃଷ୍ଟି ହୋଇଥିବା ବେଳେ ବିଜେପି ପକ୍ଷରୁ ସାରା ରାଜ୍ୟ ରେ ପଦଯାତ୍ରା କରାଯାଉଛି। ପରୀକୁ ନ୍ୟାୟ ପ୍ରଦାନ କରିବାକୁ ଦାବି ଜୋର ଧରିଛି l ଏହି ଅବସରରେ ଢେଙ୍କାନାଳ ଜିଲ୍ଲା ପରଜଙ୍ଗ ବିଜେପି ପକ୍ଷରୁ ପଦଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଛି l

ପରୀର ପ୍ରକୃତ ହତ୍ୟାକାରୀଙ୍କୁ ଗିରଫ ଓ ରାଜ୍ୟ ସରକାର ଏହି ଘଟଣାକୁ ତଦନ୍ତ ପାଇଁ ସିବିଆଇକୁ ହସ୍ତାନ୍ତରଣ ଉଦ୍ଦେଶ୍ୟରେ ବିଜେପିର ଏହି ପଦଯାତ୍ରା କରାଯାଉଛି l ଏହି ଅବସରରେ ମନ୍ତ୍ରୀ ଅରୁଣ ସାହୁଙ୍କ ବହିଷ୍କାର ଦାବି ତେଜିଛି । ଏହି କାର୍ଯ୍ୟକ୍ରମ ଜିଲ୍ଲାରେ ୪ ଦିନ ଧରି ଚାଲିବ ବୋଲି ଜିଲ୍ଲା ସଭାପତି ସୂଚନା ଦେଇଛନ୍ତି ।

ଢେଙ୍କାନାଳରୁ ଉର୍ମିଳା ପାତ୍ର , ଇଟିଭି ଭାରତ