ଢେଙ୍କାନାଳ: ଜିଲ୍ଲାର ପୁରୁଣା ପରିତ୍ୟକ୍ତ କୋର୍ଟ କାର୍ଯ୍ୟାଳୟ ପରିସରରେ 2ଦିନ ଧରି ଜଣେ ବ୍ୟକ୍ତିଙ୍କ ମୃତଦେହ ପଡି ରହିଛି । କୋରୋନା ଭୟରେ ପରିବାର ଲୋକ ଏବଂ ସ୍ଥାନୀୟ ବାସିନ୍ଦା ମରଶରୀର ପାଖ ମାଡି ନାହାନ୍ତି । ଭୁବନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
ତେବେ ମୃତକ ଜଣକ ହେଉଛନ୍ତି ଭୁବନ ଅଞ୍ଚଳରେ ରହୁଥିବା 52 ବର୍ଷୀୟ ରବି ନାରାୟଣ ମେହେଣା । ସେ ଭୁବନର ସାହି ପଡିଶାଙ୍କ ପିଣ୍ଡାରେ ଦୁଇ ଝିଅ ଓ ସ୍ତ୍ରୀଙ୍କ ସହ ରହି ଭିକ୍ଷାବୃତ୍ତି କରି ପରିବାର ପ୍ରତିପୋଷଣ କରୁଥିଲେ । କିନ୍ତୁ କିଛି ଦିନ ହେବ ରବିନାରାୟଣ ଅସୁସ୍ଥ ଥିଲେ ଏବଂ ବୁଧବାର ସଂନ୍ଧ୍ୟାରେ ତାଙ୍କର ମୃତ୍ୟୁ ହୋଇଥିଲା ।
ତାଙ୍କ ମୃତଦେହ 2ଦିନ ଧରି ଜିଲ୍ଲା ଭୁବନ ବିଜ୍ଞାପିତ ଅଞ୍ଚଳ ପରିଷଦ ଓ୍ବାର୍ଡ-୨ ଅନ୍ତର୍ଗତ ପୁରୁଣା ପରିତ୍ୟକ୍ତ କୋର୍ଟ କାର୍ଯ୍ୟାଳୟ ପରିସରରେ ପଡିରହିଛି । ମୃତକଙ୍କ ପାଞ୍ଚ ଭାଇ ଥିଲେ ମଧ୍ୟ ମରଶରୀରର ଅନ୍ତୀମ ସଂସ୍କାର ପାଇଁ କେହି ଆସୁନଥିବା ଦେଖାଦେଇଛି । ଏ ସମ୍ପର୍କରେ ଖବର ପାଇ ଭୁବନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
