ଢେଙ୍କାନାଳ: ଦ୍ରୁତ ଗତି ନେଲା ବାଇକ ଆରୋହୀଙ୍କ ଜୀବନ । ଢେ଼ଙ୍କାନାଳ ଜିଲ୍ଲା କଙ୍କଡାହାଡ ରାସ୍ତାର ଗୋବରୀ ନିକଟରେ ବାଇକ ରାସ୍ତାକଡ ପିଲରରେ ପିଟି ହୋଇ ବାଇକ ଆରୋହୀଙ୍କ ମୃତ୍ୟୁ ଘଟିଛି।
ଦ୍ରୁତ ଗତି ନେଲା ଜୀବନ:ପିଲରରେ ଧକ୍କା ହୋଇ ବାଇକ ଆରୋହୀ ମୃତ
ଖବର ମୁତାବକ ପରଜଙ୍ଗ ଥାନା ଅନ୍ତର୍ଗତ ବାମ୍ ଗ୍ରାମର ରମାକାନ୍ତ ମହାନ୍ତ । ଗତକାଲି ଢେଙ୍କାନାଳକୁ ଯାଇ କାମ ସାରି ଫେରିବା ବେଳେ ବିଳମ୍ବିତ ରାତିରେ ଦୁର୍ଘଟଣା ଘଟିଛି । କଙ୍କଡାହାଡ ଥାନା ଗୋବରି ଗ୍ରାମ ନିକଟରେ ବୁଲାଣି ରାସ୍ତା ଅତିକ୍ରମ କରୁଥିବା ବେଳେ ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ପିଲରରେ ପିଟି ହୋଇଥିଲେ । ଦୁର୍ଘଟଣାରେ ରମାକାନ୍ତ ରାସ୍ତା ତଳକୁ ଛିଟିକି ପଡିଥିଲେ । ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଛି । ଆଜି ସକାଳେ ଲୋକେ ମୃତଦେହ ଦେଖି ପରିବାର ଓ ଥାନାକୁ ଖବର ଦେଇଥିଲେ । ଘଟଣାସ୍ଥଳରେ କଙ୍କଡାହାଡ଼ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଛେଦ ପାଇଁ ପଠାଇବା ସହ ତଦନ୍ତ କରୁଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
