ଢେଙ୍କାନାଳ: ଢେଙ୍କାନାଳ ଜିଲ୍ଲା ଭୁବନ ବିଜ୍ଞାପିତ ଅଞ୍ଚଳ ପରିଷଦରେ କୋରୋନା ପଜିଟିଭଙ୍କ ସଂଖ୍ୟା ୫ ଶହ ଟପିସାରିଲାଣି । ଭୁବନର ଦୈନିକ ପରିବା ମାର୍କେଟରେ ଭିଡକୁ ଦୃଷ୍ଟିରେ ରଖି ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ନୂଆବଜାରରେ ଥିବା ପରିବା ମାର୍କଟକୁ NAC କାର୍ଯ୍ୟାଳୟ ନିକଟ ଯାତ୍ରା ପଡିଆକୁ ସ୍ଥାନାନ୍ତର କରାଯାଇଥିଲା ।
ଏହି ପରିବା ବଜାର ସ୍ଥାନାନ୍ତରକୁ ନେଇ ପରିବା ବ୍ୟୟସାୟୀ ସଂଘ ପ୍ରତିବାଦ କରି ଉପଜିଲ୍ଲାପାଳଙ୍କୁ ଅଭିଯୋଗ କରିଥିଲେ । ଯାହାଫଳରେ କି ୨ ଦିନ ହେଲା ପରିବା ବିକାଳିମାନେ ପରିବା ବିକା ବନ୍ଦ କରି ଦେଇଥିଲେ ।
ଏ ସଂକ୍ରାନ୍ତରେ ଭୁବନ ଏନଏସି କାର୍ଯ୍ୟାଳୟ ଠାରେ କାମାକ୍ଷାନଗର ଉପଜିଲ୍ଲାପାଳଙ୍କ ସହ ପରିବା ବ୍ୟବସାୟୀ ସଂଘ ଆଲୋଚନା କରି ଏହି ସ୍ଥାନ ବିବାଦର ସମାଧାନ କରିଥିବା ଜଣାପଡିଛି ।
କୋଭିଡ-୧୯ ର ସମସ୍ତ ନିୟମକୁ ପାଳନ କରି ପୂନର୍ବାର ନୂଆ ବଜାର ଠାରେ ପରିବା ବ୍ୟବସାୟୀମାନେ ପରିବା ବିକିବେ ବୋଲି ଉପଜିଲ୍ଲାପାଳ ନିର୍ଦ୍ଦେଶ ଦେଇଥିଲେ ।
ଢେଙ୍କାନାଳରୁ ଉର୍ମିଳା ପାତ୍ରଙ୍କ ରିର୍ପୋଟ, ଇଟିଭି ଭାରତ
