ଢେଙ୍କାନାଳ: ବାଇକକୁ ଧକ୍କା ଦେଲେ ସ୍କର୍ପିଓ । ଢେଙ୍କାନାଳ ଏନଏଚ-55 ବାଏ ପାସର ହୋଟେଲ ନିରୂପମା ନିକଟରେ ଏକ ବାଇକକୁ ସ୍କର୍ପିଓ ଧକ୍କା ଦେଇଛି । ଫଳରେ ଏହି ଦୁର୍ଘଟଣାରେ ବାଇକରେ ଥିବା ଦୁଇଜଣଙ୍କ ମଧ୍ୟରୁ ଜଣଙ୍କର ମୃତ ଘଟିଥିବା ବେଳେ ଅନ୍ୟଜଣେ ଗୁରୁତର ହୋଇଛନ୍ତି । ମୃତକ ଜଣଙ୍କ ବିରଞ୍ଚି ବେହେରା ଓ ଗୁରୁତର ଜଣଙ୍କ ସୁବାଷ ବାରିକ ବୋଲି ଜଣାପଡିଛି । ଉଭୟଙ୍କ ଘର ଢେଙ୍କାନାଳ ସହର କାଠଗଡାରେ ।
ବାଇକକୁ ଧକ୍କା ଦେଲା ସ୍କର୍ପିଓ
ସୂଚନା ଅନୁଯାୀୟୀ, ଉଭୟ ବାଇକ ଯୋଗେ ଯାଉଥିବା ବେଳେ ଏକ ସ୍କର୍ପିଓ ତାଙ୍କ ଗାଡିକୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ବିରଞ୍ଚିଙ୍କର ମୃତ୍ୟୁ ଘଟିଛି । ସେହିପରି ଗୁରୁତର ସୁବାଷଙ୍କୁ ପ୍ରଥମେ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ତାଙ୍କ ସ୍ବାସ୍ଥ୍ୟବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ସ୍ଥାନାନ୍ତରିତ କରାଯାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
