ଢେଙ୍କାନାଳ: ଜିଲ୍ଲା ସଦର ଥାନା ଅଞ୍ଚଳ ପେଟ୍ରୋଲ ପମ୍ପରୁ ପୁଣି ଲୁଟ୍ ହୋଇଥିବା ଅଭିଯୋଗ । କର୍ମଚାରୀଙ୍କୁ ପିସ୍ତଲ ଦେଖାଇ ଭାପୁର ଓସ୍ତପାଳ ନିକଟସ୍ଥ ମାତୃକୃପା ଫିଲିଙ୍ଗ ଷ୍ଟେସନରୁ ୯୦ହଜାର ଟଙ୍କା ଲୁଟି ନେଇଥିବା ସୂଚନା । ଖବର ପାଇ ପୋଲିସ ସିସିଟିଭି ଫୁଟେଜ ଆଧାରରେ ଛାନଭିନ ଆରମ୍ଭ କରିଛି ।
ପିସ୍ତଲ ଦେଖାଇ 90,000 ଲୁଟ୍
ଭାପୁର ଓସ୍ତାପାଳ ନିକଟରେ ଥିବା ମାତୃକୃପା ଫିଲିଙ୍ଗ ଷ୍ଟେସନରେ ପିସ୍ତଲ ଦେଖାଇ ୯୦ ହଜାର ଟଙ୍କା ଲୁଟ୍ ହୋଇଛି । ୩ ଜଣ ଲୁଟେରା ବାଇକରେ ଆସି ଅଚାନକ ପେଟ୍ରୋଲ ପମ୍ପରେ ପଶି କର୍ମଚାରୀଙ୍କୁ ପିସ୍ତଲ ଦେଖାଇ ଭୟଭୀତ କରିଥିଲେ । ପରେ କ୍ୟାସରେ ଥିବା ପ୍ରାୟ ୯୦ ହଜାର ଟଙ୍କା ଲୁଟି ନେଇ ପଳାଇଥିବା ସିସିଟିଭିରୁ ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
