ଢେଙ୍କାନାଳ: ମହୁମାଛି ଆତଙ୍କ । ଢେଙ୍କାନାଳ କଙ୍କଡାହାଡ ଥାନା ଡଙ୍ଗାପାଳରେ ମହୁମାଛି ଆତଙ୍କ । ମହୁମାଛି ଆକ୍ରମଣରେ 2 ଛାତ୍ର ସହ ଜଣେ ଗ୍ରାମବାସୀ ଆହତ ହୋଇଛନ୍ତି । ସ୍କୁଲ ଯାଉଥିବାବେଳେ ମହୁମାଛି ଛାତ୍ରଛାତ୍ରୀମାନଙ୍କୁ ଆକ୍ରମଣ କରୁଛନ୍ତି ।
ଶୁକ୍ରବାର ମହୁମାଛି ଆକ୍ରମଣରେ ୩ ଜଣ ଆହତ ହୋଇଥିବା ଜଣାପଡିଛି । ଗ୍ରାମର ମାଧବ ନାୟକ ଏବଂ ଦୁଇଜଣ ତୃତୀୟ ଶ୍ରେଣୀ ସ୍କୁଲ ଛାତ୍ର ଚେଗେରା ମୁଣ୍ଡା ଓ ଗେଜେରା ମୁଣ୍ଡା ଆହତ ହୋଇଛନ୍ତି ।
ମହୁମାଛି ଆକ୍ରମଣରେ 3 ଆହତ
ସ୍କୁଲକୁ ଯାଉଥିବାବେଳେ ଛାତ୍ରମାନେ ମହୁମାଛି ଆକ୍ରମଣର ଶିକାର ହୋଇଥିବାବେଳେ ମାଧବ ନାଏକ ବାଡିରେ କାଠ ହାଣୁଥିବା ବେଳେ ମହୁମାଛି ଆକ୍ରମଣ କରିଥିଲା । ଆହତ ମାନଙ୍କୁ ୧୦୮ ଆମ୍ବୁଲାନ୍ସ ଯୋଗେ କାମାକ୍ଷାନଗର ମେଡିକାଲରେ ଭର୍ତ୍ତି କରାଯାଇଛି । ଚିକିତ୍ସା ପରେ ସେମାନଙ୍କ ସ୍ବାସ୍ଥ୍ୟାବସ୍ଥାରେ ସୁଧାର ଆସୁ ଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର , ଇଟିଭି ଭାରତ
